നിലംപറ്റി വളരുന്ന ഒരു ചെറു ഔഷധസസ്യമാണ് ആനച്ചുവടി .മലയാളത്തിൽ ഇതിനെ ആനയടിയൻ, ആനച്ചുണ്ട എന്നീ പേരുകളിലും അറിയപ്പെടുന്നു . ഇംഗ്ലീഷിൽ ഇതിനെ Elephant Foot, Scarber, Prickly എന്നീ പേരുകളിലും അറിയപ്പെടുന്നു . ഇതിന്റെ ശാസ്ത്രീയനാമം Elephantopus scaber എന്നാണ് .
ആനച്ചുവടിയുടെ വിവിധ ഭാഷകളിലുള്ള പേരുകൾ .
Common name : Elephant Foot, Scarber, Prickly . Malayalam Anachuvadi, Anayatiyan . Hindi : Samdudri , Hastipada . Tamil : Anashovadi . Telugu : Enugabira . Kannada : Hakkarike, Nela mucchilu . Marathi : Hastipata . Sanskrit : Gojivha . Botanical name : Elephantopus scaber . Family: Asteraceae (Sunflower family)
ആനച്ചുവടി എവിടെ വളരുന്നു .
നമ്മുടെ നാട്ടിൽ സർവസാധാരണമായി കണ്ടുവരുന്ന ഔഷധസസ്യമാണ് ആനച്ചുവടി . തണലുള്ള ചതുപ്പു പ്രദേശങ്ങളിലാണ് ഈ ചെടി കൂടുതലായും കാണപ്പെടുന്നത് .നാട്ടിൻപുറങ്ങളിൽ ഈ സസ്യം ധാരാളമായി കാണപ്പെടുന്നു . ഇന്ത്യ കൂടാതെ ആഫ്രിക്ക, കിഴക്കൻ ഏഷ്യ, ഏഷ്യ, ആസ്ട്രേലിയ എന്നിവിടങ്ങളിലും ഈ സസ്യം കാണപ്പെടുന്നു .
ആനച്ചുവടിയുടെ രൂപവിവരണം .
നിലംപറ്റി വളരുന്ന ഒരു ഔഷധസസ്യമാണ് ആനച്ചുവടി . ഇതിന്റെ നീണ്ട ഇലകൾ നാലുഭാഗത്തും വളർന്നു നിൽക്കും . ഇതിന്റെ ഇലകൾക്ക് നല്ല പച്ചനിറമാണ് .ഇലയ്ക്ക് നല്ല വീതിയും ഉണ്ടാകും . ആനയുടെ കാൽപാദം ഭൂമിയിൽ പതിഞ്ഞു കിടക്കുന്നതുപോലെ തോന്നിപ്പിക്കുന്ന ചെടിയായതുകൊണ്ടാണ് ആനച്ചുവടി എന്ന പേര് ഈ സസ്യത്തിന് വരാൻ കാരണം . ഈ സസ്യത്തിന്റെ വേരുകൾ നല്ല നീളമുള്ളതാണ് , നീളമുള്ള വേരുകൾ ചെടിയുടെ ചുവട്ടിൽ നിന്നും നാനാഭാഗത്തേക്കും മണ്ണിൽ പടരുന്നു .ഇതിന്റെ ചെറിയ പൂക്കൾ നീലലോഹിത വർണ്ണത്തിൽ കാണപ്പെടുന്നു .
ആനച്ചുവടിയിൽ അടങ്ങിയിരിക്കുന്ന രാസഘടകങ്ങൾ ഏതൊക്കെയാണ് .
സോഡിയം ,പൊട്ടാസ്യം ,കാൽസ്യം ,ഇരുമ്പ് ,മഗ്നീഷ്യം എന്നിവ ആനച്ചുവടിയിൽ അടങ്ങിയിരിക്കുന്നു .
ആനച്ചുവടി ഏതെല്ലാം രോഗങ്ങൾക്ക് ഔഷധമായി ഉപയോഗിക്കുന്നു .
താരൻ ,മുടികൊഴിച്ചിൽ ,അതിസാരം ,വയറുകടി ,അർശസ്സ് ,ചുമ ,മൂത്രച്ചുടിച്ചിൽ , വിഷം എന്നിവയ്ക്ക് ആനച്ചുവടി ഔഷധമായി ഉപയോഗിക്കുന്നു .
ആനച്ചുവടിയുടെ ഔഷധയോഗ്യമായ ഭാഗങ്ങൾ ഏതൊക്കെയാണ് .
ആനച്ചുവടി സമൂലം ഔഷധയോഗ്യമാണ് (വേര് സഹിതം മൊത്തമായും )
ആനച്ചുവടിയുടെ ഔഷധപ്രയോഗങ്ങൾ .
താരൻ ,മുടികൊഴിച്ചിൽ .
ആനച്ചുവടി അരച്ച് താളിയാക്കി തലയിൽ പതിവായി ഉപയോഗിച്ചാൽ തലയിലെ താരൻ മാറി മുടി സമൃദ്ധമായി വളരും .
കൊളസ്ട്രോൾ കുറയ്ക്കുന്നതിന് .
ആനച്ചുവടി സമൂലം കഷായം വെച്ച് കുടിക്കുന്നത് കൊളസ്ട്രോൾ നിയന്ത്രിക്കാൻ വളരെ ഫലപ്രദമാണ്.
നടുവേദന.
ആനച്ചുവടി ചതച്ച് നടുവേദനയുള്ള ഭാഗത്ത് വെച്ചുകെട്ടിയാൽ നടുവേദന വളരെ പെട്ടെന്ന് ശമിക്കുന്നതാണ് . ആനച്ചുവടി സമൂലം അരച്ച് പുറമേ പുരട്ടിയാലും നടുവേദനയ്ക്ക് ശമനമുണ്ടാകും.
ഉളുക്കിന് .
ആനച്ചുവടി, പൂവാംകുരുന്നില, മുയൽച്ചെവിയൻ എന്നിവ അരച്ച് ഉളുക്ക് പറ്റിയ ഭാഗത്ത് വച്ച് കെട്ടിയാൽ ഉളുക്ക് മാറിക്കിട്ടും .
പ്രമേഹത്തിന് .
ആനച്ചുവടി ഉണക്കിപ്പൊടിച്ച് ഒരു ടീസ്പൂൺ എടുത്ത് വെള്ളം തിളപ്പിച്ച് ദിവസവും രാവിലെ കുടിക്കുന്നത് പ്രമേഹം നിയന്ത്രണ വിധേയമാകും .
ക്ഷതങ്ങൾക്ക് .
ആനച്ചുവടിയുടെ വേര് കഷായം വെച്ച് കുടിക്കുന്നത് ശരീരത്തിലുണ്ടാകുന്ന ക്ഷതങ്ങൾ മാറ്റുവാൻ വളരെ സഹായകരമാണ് .
മഞ്ഞപ്പിത്തം.
ആനച്ചുവടിയും ജീരകവും കൂട്ടിയരച്ച് കഴിച്ചാൽ മഞ്ഞപ്പിത്തം ശമിക്കുന്നതാണ്.
അതിസാരം, പനി.
40 ഗ്രാം ആനച്ചുവടിയും 20 ഗ്രാം മല്ലിയും കൂടി കഷായം വെച്ചു കുടിച്ചാൽ മൂത്ര ചൂടിനും അതിസാരം, പനി, എന്നിവയ്ക്ക് വളരെ ഫലപ്രദമാണ്.
വിഷജന്തുക്കൾ കടിച്ചാൽ .
ആനച്ചുവടി അരച്ച് വിഷജന്തുക്കൾ കടിച്ചഭാഗത്ത് പുരട്ടിയാൽ വിഷം ശമിക്കും .
പശുക്കളുടെ അകിടുവീക്കം മാറാൻ .
ആനച്ചുവടി സമൂലം കാടിവെള്ളത്തിൽ അരച്ച് അകിടിൽ പുരട്ടിയാൽ പശുക്കളുടെ അകിടുവീക്കം വേഗം മാറുന്നതാണ്.
രസാദിഗുണങ്ങൾ .
രസം : മധുരം, തിക്തം . ഗുണം : ലഘു, സ്നിഗ്ധം . വീര്യം : ശീതം . വിപാകം : മധുരം
Tags:
ഏകവർഷ സസ്യം