ആവണക്ക് ഔഷധഗുണങ്ങളും ഉപയോഗവും

 

വഴിയോരങ്ങളിലും, പാഴ് സ്ഥലങ്ങളിലും കാട്ടുചെടി പോലെ കാണപ്പെടുന്നു ഒരു ഔഷധസസ്യമാണ് ആവണക്ക് .ഇംഗ്ലീഷിൽ ഇതിനെ castor bean , castor oil plant, Palma Christi, castor bean plant  എന്ന പേരുകളിൽ അറിയപ്പെടുന്നു .ഇതിന്റെ ശാസ്ത്രീയനാമം Ricinus communis എന്നാണ് .

ആവണക്കിന്റെ വിവിധ ഭാഷയിലുള്ള പേരുകൾ ,

Common name: Castor bean, Castor oil plant, Wonder tree . Malayalam : Aavannakku, Chittavanakku . Tamil :Aamanakku . Hindi : Arandi . Telugu : Amudamu . Kannada : Oudla . Bengali: Rehri , Bhairenda . Gujarati : Diveligo, Diveli Erandi . Marathi : Erandale . Sanskrit : Eranda . Botanical name : Ricinus communis . Family: Euphorbiaceae (castor family)

ആവണക്ക് എവിടെ കാണപ്പെടുന്നു .

ഇന്ത്യയിലുടനീളം ആവണക്ക് കാണപ്പെടുന്നു .തമിഴ്‌നാട്ടിൽ ആവണക്ക് ധാരാളമായി കാണപ്പെടുന്നു . ആവണക്കിന്റെ ജന്മദേശം വടക്കുകിഴക്കൻ ആഫ്രിക്കയാണ്  , ഇപ്പോൾ ലോകത്തിലെ എല്ലാ  ഉഷ്ണമേഖലാ പ്രദേശങ്ങളിലും ആവണക്ക്  കാണപ്പെടുന്നു .

ചെടിയുടെ പ്രത്യേകതകൾ .

വഴിയോരങ്ങളിലും, പാഴ് സ്ഥലങ്ങളിലും കാട്ടുചെടി പോലെ കാണപ്പെടുന്നു ഒരു ഔഷധസസ്യമാണ് ആവണക്ക്. ഈ സസ്യം രണ്ട് തരത്തിൽ കാണപ്പെടുന്നു.വെള്ള ആവണക്ക്(ചിറ്റാവണക്ക് ), ചുവന്ന ആവണക്ക് എന്നിങ്ങനെ .ചുവന്ന ആവണക്കിന്റെ തണ്ടിനും ഇലയ്ക്കും ചുവപ്പ് കലർന്ന നിറമാണ് .സാമാന്യം  നല്ല ഉയരത്തിൽ വളരുന്ന ഒരു കുറ്റിച്ചെടിയാണ് ആവണക്ക്. ഏകദേശം 5 മീറ്റർ ഉയരത്തിൽ ഒരു ചെറു വൃക്ഷമായും വളരാറുണ്ട് .

വെള്ള ആവണക്ക്, കേരളം ഒഴികെ മറ്റ് സംസ്ഥാനങ്ങളിൽ വാണിജ്യാടിസ്ഥാനത്തിൽ കൃഷിചെയ്തുവരുന്നു. പ്രധാനമായും എണ്ണക്കുരുവിന് വേണ്ടി കൃഷി ചെയ്യുന്ന ഒരു ഔഷധസസ്യമാണ് ആവണക്ക്. ആവണക്കിന്റെ കുരുവിൽനിന്നും വേർതിരിച്ചെടുക്കുന്ന എണ്ണയെ ആവണക്കെണ്ണ എന്ന് അറിയപ്പെടുന്നത്.  പൊതുവേ ഔഷധ ആവശ്യങ്ങൾക്കാണ് ഈ എണ്ണ  എടുക്കുന്നത്.മുള്ളുകളുള്ള പുറംതോടിനുള്ളിലെ വിത്താണ് എണ്ണക്കുരുവായി ഉപയോഗിക്കുന്നത് .

ആവണക്ക് വിഷസസ്യമാണോ .

ആവണക്ക് ഔഷധഗുണമുള്ള സസ്യമാണെങ്കിലും ഇത് ഒരു വിഷച്ചെടികൂടിയാണ്.ഇതിന്റെ കുരുവിലാണ് കൂടുതൽ വിഷാംശം അടങ്ങിയിട്ടുള്ളത് .ഇതിന്റെ ഇലയിലും ,തണ്ടിലും ,വിത്തിലും  എണ്ണയിലുമെല്ലാം വിഷാംശം അടങ്ങിയിട്ടുണ്ട് ,അതുകൊണ്ടുതന്നെ ഇവ ശുദ്ധി ചെയ്താണ് ഔഷധങ്ങൾക്ക് ഉപയോഗിക്കുന്നത് .വെള്ള ആവണക്കാണ് പൊതുവെ ഔഷധമായി ഉപയോഗിക്കുന്നത് .

ആവണക്കിന്റെ കുരുവോ മറ്റും കൂടുതലായി  ഉള്ളിൽ കഴിച്ചാൽ  വായിലും തൊണ്ടയിലും ശക്തമായ നീറ്റലും വയറു വേദനയും ഛർദ്ദിയും ഉണ്ടാകും. കുറെ സമയത്തിന് ശേഷം അമിതമായ ദാഹം തലചുറ്റൽ എന്നിവയും നാഡിമിടുപ്പ് കൂടുകയും ചെയ്യും .വയറിളക്കവും മലത്തോടൊപ്പം രക്തം പോകുകയും ചെയ്യും . 

20 ഗ്രാം ആവണക്കിൻ കുരു ഉള്ളിൽ കഴിച്ചാൽ മാരക വിഷമാണ് . രണ്ടു ദിവസം കൊണ്ട് മരണം സംഭവിക്കും . ആവണക്കെണ്ണ ഞരമ്പിൽ കുത്തിവച്ചാൽ പെട്ടന്ന് മരണം സംഭവിക്കും . ആവണക്കിന്റെ കുരുവോ മറ്റു ഭാഗങ്ങളോ ഉള്ളിൽ കഴിച്ചാൽ രോഗിയെ എത്രയും പെട്ടന്ന് ആശുപത്രിയിൽ എത്തിക്കണം.

രാസഘടകങ്ങൾ 

വിത്തിൽ 40% മുതൽ 55% വരെ എണ്ണയും 20% പ്രോട്ടീനും 10% പഞ്ചസാരയും 1% കാർബോഹൈഡ്രേറ്റും അടങ്ങിയിരിക്കുന്നു. വിത്തിലെ പ്രധാനപ്പെട്ട ക്രിയാശീലഘടകം റിസിൻ ആണ്. ഇത് ഏറ്റവും വിഷശക്തിയുള്ളതും വെള്ളത്തിൽ ലയിക്കുന്നതുമായ ഒരു ഗ്ലൈക്കോ പ്രോട്ടീനാണ് .

ആവണക്കിന്റെ ഏതൊക്കെ ഭാഗങ്ങളാണ് ഔഷധങ്ങൾക്ക് ഉപയോഗിക്കുന്നത് .

ആവണക്കിന്റെ വിത്തിൽ നിന്നും എടുക്കുന്ന എണ്ണ ,ഇല ,വേര് എന്നിവ ഔഷധങ്ങൾക്കായി ഉപയോഗിക്കുന്നു . ഇവയിലെല്ലാം വിഷാംശം അടങ്ങിയിട്ടുള്ളതിനാൽ ഇവ ശുദ്ധി ചെയ്താണ് ഔഷധങ്ങൾക്ക് ഉപയോഗിക്കുന്നത് .

ആവണക്ക് എങ്ങനെയാണ് ശുദ്ധിചെയ്യുന്നത് .

കുറച്ചുസമയം പാലിൽ ഇട്ടു വച്ചിരുന്നാൽ ആവണക്കിൻ കുരുവും മറ്റും ശുദ്ധിയാകും . കുരുവിനെ അപേക്ഷിച്ച് ആവണക്കെണ്ണ നിരുപദ്രവകാരിയാണ് .കാരണം ആവണക്കിൻക്കുരുആട്ടുമ്പോൾ  വെള്ളത്തിലിട്ടു തിളപ്പിച്ചോ ആവിയോ ഏല്പിച്ചാണ് എണ്ണ എടുക്കുന്നത് .  ഈ സംസ്കരണംകൊണ്ട് ഇവയിലുള്ള വിഷഗുണം നഷ്ട്ടപ്പെടുന്നതിനാലാണ് കുരുവിനെ അപേക്ഷിച്ച് ആവണക്കെണ്ണ നിരുപദ്രവകാരിയാകുന്നത് .ആവണക്കിൻക്കുരു വെറുതെ ആട്ടിയും എണ്ണ എടുക്കാറുണ്ട് . ഈ എണ്ണ സോപ്പ് ഉണ്ടാക്കാനും  മറ്റ് വ്യവസായ ആവിശ്യങ്ങൾക്കും വേണ്ടിയാണ് . ഇതിന്റെ പിണ്ണാക്ക് വിഷമായതിനാൽ കൃഷികൾക്ക് വളമായി ഉപയോഗിക്കുന്നു .

ആവണക്ക് ഏതൊക്കെ രോഗങ്ങൾക്ക് ഔഷധമായി ഉപയോഗിക്കുന്നു .

പ്രമേഹ രോഗങ്ങൾ, തലവേദന, നേത്ര രോഗങ്ങൾ, ത്വക്ക് രോഗങ്ങൾ, മുടികൊഴിച്ചിൽ, താരൻ,   മഞ്ഞപ്പിത്തം  ,എല്ലാത്തരം വാതരോഗങ്ങൾ ,ശരീരവേദന ,നീര് ,കൃമി ,ഗർഭാശയശുദ്ധി ഇവയ്ക്കൊക്കെ ആവണക്ക് ഔഷധമായി ഉപയോഗിക്കുന്നു .എരണ്ഡാദികഷായം  , സുകുമാരഘൃതം ,ബാലാരിഷ്ടം ,അഷ്ടവർഗം കഷായം ,വിദാര്യാദിഘൃതം എന്നീ ഔഷധങ്ങളിൽ ആവണക്ക് ഒരു ചേരുവയാണ് .

ആവണക്കിന്റെ ഔഷധപ്രയോഗങ്ങൾ .

ആവണക്കെണ്ണ ഒരു വിരേചന ഔഷധമാണ് . വൃദ്ധന്മാർക്കും ,ബാലൻ മാർക്കും ഇത് ഉപയോഗിച്ച് വയറിളക്കുന്നത്  അപകടമാണ് .

വാതരോഗങ്ങൾ : 

ആവണക്കിലയിട്ട് വെള്ളം തിളപ്പിച്ച് കുളിക്കുകയും ,ആവണക്കില തീയിൽ വാട്ടി കിഴി കുത്തുകയും ചെയ്താൽ വാതരോഗങ്ങൾ ശമിക്കും .ഇതിനായി ആവണക്കിന്റെ മൂത്ത ഇലകളാണ് ഉപയോഗിക്കേണ്ടത് .

ആർത്തവവേദന : 

ആവണക്കിന്റെ ഇല വാട്ടി അടിവയറ്റിൽ വെച്ച്  കെട്ടിയാൽ ആർത്തവ സംബന്ധമായ വേദന മാറും.

പല്ലുവേദന :

 ആവണക്കിന്റെ വേരിലെ കറ എടുത്ത് വേദനയുള്ള പല്ലിന്റെ ഊനിന്  പുരട്ടിയാൽ  പല്ലുവേദന പെട്ടെന്ന് ശമിക്കും.

നടുവേദന,വയറുവേദന, സന്ധിവാതം , നീര് എന്നിവയ്ക്ക് : 

അര  ഔൺസ് ആവണക്കെണ്ണ ചൂടുപാലിൽ ചേർത്ത് രാത്രിയിൽ പതിവായി കഴിച്ചാൽ നടുവേദന,വയറുവേദന,സന്ധിവാതം  ശരീരത്തിലുണ്ടാകുന്ന നീര് എന്നിവയ്ക്ക് ശമനം കിട്ടും.

ഛർദ്ദി മാറാൻ : 

ഒരു ടീസ്പൂൺ ആവണക്കെണ്ണ ചെറുനാരങ്ങയുടെ നീരുമായി യോജിപ്പിച്ചു രാവിലെ കഴിച്ചാൽ ഛർദ്ദി മാറാൻ വളരെ നല്ലതാണ്.

കൃമിശല്ല്യത്തിന് : 

ആവണക്കെണ്ണയും കയ്യോന്നിനീരും ചേർത്തു കഴിച്ചാൽ കൃമിശല്ല്യം മാറിക്കിട്ടും .

വയറുവേദനയ്ക്ക് : 

ആവണക്കില പിഴിഞ്ഞ് നീരിൽ എണ്ണ ചേർത്ത് കഴിച്ചാൽ വയറുവേദന മാറും.

സന്ധിവേദനയും നീരും :

 ഉഴിഞ്ഞ ഇല ആവണക്കെണ്ണയിൽ വേവിച്ച് അരച്ചുപുരട്ടിയാൽ, വാതം, അതുമൂലം സന്ധികളിൽ ഉണ്ടാകുന്ന വേദനയും നീരും മാറും .

മഞ്ഞപ്പിത്തം : 

ആവണക്കിന്റെ തളിരില അരച്ച് 10 ഗ്രാം കരിക്കിൻവെള്ളത്തിൽ കലക്കി ഏഴ് ദിവസം തുടർച്ചയായി കഴിച്ചാൽ മഞ്ഞപ്പിത്തം മാറും.

ചർമ്മസൗന്ദര്യം വർദ്ധിപ്പിക്കാൻ : 

ആവണക്കെണ്ണ ആഴ്ചയിലൊരു ദിവസം ശരീരം മുഴുവൻ തേച്ചുപിടിപ്പിച്ച് 15 മിനിറ്റിനു ശേഷം കുളിച്ചാൽ ചർമ്മകാന്തിയും, ചർമ്മത്തിന് നല്ല മൃദുത്വവും, തിളക്കവും ലഭിക്കും.

മുടി സമൃദ്ധമായി വളരാൻ : 

 ആവണക്കെണ്ണ പതിവായി തലയിൽ തേച്ചു കുളിച്ചാൽ മുടി സമൃദ്ധമായി വളരും.

പുരികത്തിന് കട്ടികൂട്ടാൻ :

  പുരികത്തിന് കട്ടി കുറവുള്ളവർ ആവണക്കെണ്ണ പതിവായി പുരികത്തിൽ പുരട്ടിയാൽ പുരികത്തിന് കട്ടി കൂടാൻ സഹായിക്കും.

വേദനമാറാൻ : 

ആവണക്കിന്റെ ഇല വാട്ടി  വേദനയുമുള്ള ഭാഗത്ത് വെച്ച് കെട്ടിയാൽ വേദനയ്ക്ക്  ളരെ പെട്ടെന്ന് ആശ്വാസം കിട്ടുന്നതാണ്.

വിഷജന്തുക്കൾ കടിച്ചാൽ :

 വിഷജന്തുക്കൾ കടിച്ചഭാഗത്ത് ആവണക്കിന്റെ തളിരില അരച്ച് പുരട്ടിയാൽ വിഷം ശമിക്കും .വിഷം ഉള്ളിൽ കഴിച്ച ആളിന് ആവണക്കിന്റെ തളിരില വെള്ളത്തിൽ ഞെരുടി പിഴിഞ്ഞ് കൊടുത്താൽ വയറിളക്കവും ഛർദ്ദിയുമുണ്ടായി  വിഷം പുറത്തുപോകും .

ചുമ മാറാൻ : 

തൊണ്ടക്കുഴിയിൽ അല്പം ആവണക്കെണ്ണ പുരട്ടിയാൽ ചുമ ശമിക്കും .

മൂത്രതടസ്സം മാറാൻ :

കാൽതുടം ആവണെക്കെണ്ണ കരിക്കിൻ വെള്ളത്തിൽ കലർത്തി കഴിച്ചാൽ മൂത്രതടസ്സം മാറും .

 ഉപ്പൂറ്റി വെടിക്കുന്നതിന് : രാത്രിയിൽ കിടക്കാൻ നേരം കാലുകൾ നന്നായി കഴുകി വൃത്തിയാക്കി പാദങ്ങളിൽ ആവണക്കെണ്ണ പുരട്ടിയാൽ മതിയാകും . കുറച്ചുദിവസം പതിവായി ഇങ്ങനെ ചെയ്യണം .

കാലിലെ ആണിരോഗം മാറാൻ :

ആവണക്കിന്റെ തളിരില പാലിൽ പുഴുങ്ങി അരച്ച് ആണിയുടെ മുകളിൽ പതിവായി പുരട്ടിയാൽ കാലിലെ ആണി രോഗം മാറും .

തലവേദന മാറാൻ : 

ആവണക്കിന്റെ തളിരില അരച്ച് നെറ്റിയിൽ പുരട്ടിയാൽ തലവേദന മാറും .

ശരീരം ചൊറിഞ്ഞു തടിക്കുന്നതിന് : 

ആവണക്കെണ്ണ പുറമെ പുരട്ടിയാൽ ശരീരം ചൊരിഞ്ഞു തടിക്കുന്ന അവസ്ഥ മാറിക്കിട്ടും .

മുഖത്തെ കറുപ്പുനിറം ഇല്ലാതാക്കാൻ :

രാത്രിയിൽ കിടക്കാൻ നേരം ആവണക്കെണ്ണ മുഖത്തുപുരട്ടി പതിവായി തടവിയാൽ മുഖത്തെ കറുപ്പുനിറം മാറിക്കിട്ടും .

അമിതവണ്ണം കുറയ്ക്കാൻ : 

2 സ്പൂൺ ആവണക്കെണ്ണ രാവിലെ വെറുംവയറ്റിൽ പതിവായി കഴിച്ചാൽ അമിതവണ്ണം കുറയും .

തലയിലെ താരാൻ ഇല്ലാതാക്കാൻ : 

ആവണക്കെണ്ണ പതിവായി തലയിൽ തേച്ചാൽ തലയിലെ താരൻ മാറിക്കിട്ടും .

നടുവേദന മാറാൻ : 

കരിനൊച്ചി ഇലയുടെ നീരിൽ ആവണക്കെണ്ണ ചേർത്ത് കുറച്ചുദിവസം പതിവായി കഴിച്ചാൽ നടുവേദന മാറിക്കിട്ടും .

വാതം കൊണ്ടുണ്ടാകുന്ന നീരിന് : 

ആവണക്കെണ്ണ പാലിൽ ചേർത്ത് രാത്രിയിൽ കിടക്കാൻ നേരം കഴിച്ചാൽ വാത നീര് മാറും .

ശരീരത്തിലുണ്ടാകുന്ന പരുക്കൾ  മാറാൻ : 

ആവണക്കിന്റെ കുരു അരച്ച് പരുവിന്റെ മുകളിൽ പുരട്ടിയാൽ പരുക്കൾ  വേഗം പഴുത്തു പൊട്ടി സുഖം പ്രാവിക്കും .

യോനി ചൊറിച്ചിലിന് :

ഒരു ടേബിൾ സ്പൂൺ ആവണക്കെണ്ണ 100 മില്ലി  പാലിൽ ചേർത്ത് രാവിലെയും വൈകിട്ടും കുറച്ചുദിവസം പതിവായി കഴിച്ചാൽ യോനി ചൊറിച്ചിൽ ,യോനി വരൾച്ച തുടങ്ങിയവ മാറിക്കിട്ടും .

രസാദിഗുണങ്ങൾ: 

രസം : മധുരം, കടു, കഷായം . ഗുണം : ഗുരു, സ്നിഗ്ധം, തീക്ഷണം, സൂക്ഷ്മം . വീര്യം : ഉഷ്ണം . വിപാകം : മധുരം