മൂത്രത്തിൽ കല്ല് വേരോടെ കളയാൻ ഇലമുളച്ചി

കിഡ്നി സ്റ്റോണ്‍,മൂലക്കുരു ,അൾസർ ,മുറിവുകൾ,രക്തശ്രാവം  തുടങ്ങിയവയുടെ ചികിൽത്സയ്ക്ക് ആയുർവേദത്തിൽ ഉപയോഗിക്കുന്ന ഒരു ഔഷധസസ്യമാണ് ഇലമുളച്ചി അഥവാ ബ്രയോഫില്ലം പിന്നാറ്റം.കേരളത്തിൽ ഇതിനെ ഇലച്ചെടി ,ഇലമരുന്ന് ,കള്ളിയിലച്ചെടി ,ആകാശച്ചെടി, അച്ചടിച്ചപ്പ്, ഇലയിന്മേൽ തൈ,കൊപ്പാട്ട,ചൊടുക്കുചെടി, വെടിത്തക്കാളി,പുണ്ണില

തുടങ്ങിയ പേരുകളിലൊക്കെ അറിയപ്പെടും .ലൈഫ് പ്ലാന്റ്, മാജിക് ലീഫ്,കത്തീഡ്രൽ ബെൽസ് എന്നീ പേരുകളിൽ ഇംഗ്ലീഷിൽ അറിയപ്പെടുന്നു .അസ്ഥിഭക്ഷഃ,പർണബീജഃ എന്നീ പേരുകളിൽ സംസ്‌കൃതത്തിൽ അറിയപ്പെടുന്നു .

• Botanical name : Bryophyllum pinnatum
• Family: Crassulaceae (Sedum family)
• Synonyms :  Kalanchoe pinnata

ആവാസമേഖല .

ആഫ്രിക്കയിലെ ഉഷ്ണമേഖലാ പ്രദേശങ്ങളാണ് ഇലമുളച്ചിയുടെ ജന്മദേശം എന്ന് കരുതപ്പെടുന്നു .ഇന്ത്യയിൽ ചൂടുള്ളതും ഈർപ്പമുള്ളതുമായ പ്രദേശങ്ങളിൽ ഇലമുളച്ചി കാണപ്പെടുന്നു . കേരളത്തിൽ പണ്ടുകാലത്ത് പറമ്പുകളിലും പാറക്കൂട്ടങ്ങൾക്കിടയിലും സുലഭമായി കണ്ടിരുന്ന ഒരു ചെടിയാണ് ഇലമുളച്ചി .എന്നാൽ ഇന്ന് വംശനാശം വന്നുകൊണ്ടിരിക്കുകയാണ് . മിക്ക വീടുകളിലും ഇതിനെ ഒരു ഉദ്യാനസസ്യമായി വളർത്താറുണ്ട് .

സസ്യവിവരണം .

ഏകദേശം ഒരു മീറ്റർ ഉയരത്തിൽ വരെ വളരുന്ന കുറ്റിച്ചെടി .മാംസളമായ തണ്ടുകളും ഇലകളുമാണ് ഇവയുടേത് .ഇലയുടെ തണ്ടുകൾ ഇളം നീല നിറത്തിൽ കാണപ്പെടുന്നു .ഇവയുടെ ഇലയുടെ അരികുകളിൽ നിന്നും പുതിയ തൈകൾ പൊട്ടിമുളച്ചു വരുന്നതിനാലാണ് ഈ സസ്യത്തിന് ഇലമുളച്ചി എന്ന് പേര് വരാൻ കാരണം .ഇലകളുടെ അഗ്രഭാഗത്ത് സസ്യങ്ങളുടെ മുകുളങ്ങൾ വളരുകയും ഇവ പിന്നീട് മണ്ണിൽ വീണ് വേരും ,ഇലയും ,തണ്ടുമുണ്ടായി പുതിയ സസ്യമായി വളരുന്നു .ഇതിന്റെ ഇലകൾക്ക്‌ ഉപ്പും പുളിയും കലർന്ന രുചിയാണ് .

പണ്ടുകാലത്ത് ഇതിന്റെ ഇലകൾ കുട്ടികൾ പുസ്തകങ്ങൾക്കിടയിൽ വച്ച് മുളപ്പിച്ചിരുന്നു .കുട്ടികൾ സ്ലേയ്റ്റും പെൻസിലും ഉപയോഗിച്ചിരുന്ന കാലത്ത് സ്ലേയ്റ്റിൽ എഴുതിയിരുന്നത് മായ്ച്ചു കളയാൻ വേണ്ടി മഷിത്തണ്ട്,അണ്ണാൻ പീച്ചി എന്നിവയുടെ കൂടെ  ഇലമുളച്ചിയുടെ ഇലകളും ഉപയോഗിച്ചിരുന്നു .

ഈ സസ്യം വീടിന്റെ മുൻഭാഗത്ത് കെട്ടിത്തൂക്കിയിട്ടാൽ കൊതുകിന്റെ ശല്ല്യം ഉണ്ടാകില്ല എന്ന് പറയപ്പെടുന്നു .ആയുർവേദത്തിൽ പലതരം മരുന്നുകളുടെ നിർമ്മാണത്തിനും ഇലമുളച്ചി ഉപയോഗിക്കുന്നുണ്ട് .

ചെങ്കോമാളി (Red Pierrot) എന്ന ചിത്രശലഭത്തിന്റെ ലാർവയുടെ  ഭക്ഷണമാണ് ഇലമുളച്ചി .ലാർവകൾ ഇലകളിൽ തുളച്ചുകയറി മാംസളമായ ഭാഗം പക്ഷിക്കുകയും പ്യൂപ്പയാകുമ്പോൾ പുറത്തേയ്ക്ക് വരുകയും ചെയ്യുന്നു .

 ഇലമുളച്ചി ഗുണങ്ങൾ .

നിരവധി ഔഷധഗുണങ്ങളുള്ളൊരു സസ്യമാണ് ഇലമുളച്ചി .വൃക്കസംബന്ധമായ പ്രശ്നങ്ങൾക്കും മൂത്ര സംബന്ധമായ പ്രശ്നങ്ങൾക്കും വർഷങ്ങളായി ഇലമുളച്ചി ഔഷധമായി ഉപയോഗിച്ച് വരുന്നു .വൃക്കകളില്‍ ഉണ്ടാകുന്ന കല്ലുകളെ ഇല്ലാതാക്കാൻ  ഇലമുളച്ചിയുടെ ഇലകൾക്ക് കഴിവുണ്ട്. കൂടാതെ മുറിവുകൾ ,അൾസർ ,പൈൽസ് ,രക്തസ്രാവം ,വെള്ളപോക്ക് ,തീപ്പൊള്ളൽ ,തലവേദന ,മൈഗ്രേൻ,ആസ്മ ,ജലദോഷം, ചുമ , നീര്  തുടങ്ങിയ നിരവധി രോഗങ്ങൾക്ക് ഇലമുളച്ചി ഔഷധമായി ഉപയോഗിക്കുന്നു .

ഇലമുളച്ചി ചേർത്തുണ്ടാക്കുന്ന ഔഷധങ്ങൾ  .

വിശ്വചൈധന്യ എന്ന ആയുർവേദ മരുന്ന് കമ്പിനി നിർമ്മിക്കുന്ന Euphor Tablet എന്ന ഔഷധത്തിൽ ഇലമുളച്ചി ഒരു പ്രധാന ചേരുവയാണ് .പൈൽസ് ,ഫിഷർ എന്നിവയുടെ ചികിൽത്സയിൽ ഈ ഔഷധം ഉപയോഗിക്കുന്നു .ഈ മരുന്ന് ഒരു ഡോക്ടറുടെ നിർദേശപ്രകാരം മാത്രമേ കഴിക്കാൻ പാടൊള്ളു .ഗർഭിണികളും മുലയൂട്ടുന്ന അമ്മമാരും കുട്ടികളും ഈ മരുന്ന് കഴിക്കാൻ പാടില്ല .

ഇലമുളച്ചി ദോഷങ്ങൾ .

ഇലമുളച്ചി കഴിക്കുന്നത് പൊതുവെ സുരക്ഷിതമാണെങ്കിലും ചില പാർശ്വഫലങ്ങളുമുണ്ട് .ഉയർന്ന അളവിൽ ഇലമുളച്ചി കഴിച്ചാൽ ഓക്കാനം ,ഛർദ്ദി ,നെഞ്ചെരിച്ചിൽ,വയറുവേദന തുടങ്ങിയവയ്ക്ക് കാരണമാകാം .ഇലമുളച്ചികൊണ്ടുള്ള മരുന്നുകൾ കഴിക്കുമ്പോൾ നാരങ്ങ കഴിക്കരുത് .അതേപോലെ ആസ്പിരിൻ മരുന്ന് കഴിക്കുന്നവരും ഇലമുളച്ചി ഉള്ളിൽ കഴിക്കാൻ പാടില്ല .

ഔഷധയോഗ്യഭാഗം -ഇല 

രസാദിഗുണങ്ങൾ .

രസം -തിക്തം ,മധുരം 

ഗുണം -ക്ഷാരം ,ലഘു 

വീര്യം -ഉഷ്‌ണം 

വിപാകം -കടു 

പ്രാദേശിക നാമങ്ങൾ .

English name-Air Plant,Life Plant,Canterbury Bells,Mexican Love Plant,Cathedral Bells,Resurrection Plant,Donkey Ears,Leaf of Life,Floppers

Malayalam Name : Elamulachi, Ilamarunnu, Ilamulachi

Hindi Name- Airavati

Bengali Name- Koppata

Telugu Name-Ranapalaku

Marathi name- Panfuti

Gujarati Name- Ghaimari

Oriya name- Amarapoi

ഇലമുളച്ചി ഉപയോഗിച്ചുളള ചില വീട്ടുവൈദ്യങ്ങൾ .

മൂത്രത്തിൽ കല്ല് മാറാൻ ഇലമുളച്ചി  .

മൂത്രത്തിൽ കല്ലിനും വളരെ ഫലപ്രദമായ ഒരു ഔഷധമാണ് ഇലമുളച്ചി .ഇതിന്റെ ഒന്നോ രണ്ടോ ഇലകൾ അരച്ച് രാവിലെ വെറുംവയറ്റിൽ തുടർച്ചയായി 7 ദിവസം കഴിച്ചാൽ മൂത്രത്തിൽ കല്ലും അതുമൂലമുണ്ടാകുന്ന വേദനയും മാറും എന്ന് അനുഭവസ്ഥർ പറയുന്നു . അതുപോലെ ഇതിന്റെ ഇലയിട്ട്  തിളപ്പിച്ച വെള്ളം  ദാഹശമനിയായി ഉപയോഗിക്കുന്നത് മൂത്രസംബന്ധമായ എല്ലാ അസുഖങ്ങക്കും വളരെ നല്ലതാണ് .

മൈഗ്രെയ്ന്‍ തലവേദന മാറാൻ .

മൈഗ്രേന്‍ തലവേദനയ്ക്കും സാധാരണ ഉണ്ടാകുന്ന തലവേദനയ്ക്കും ഇലമുളച്ചി ഔഷധമായി ഉപയോഗിക്കാം .ഇതിന്റെ ഇല അരച്ച്  പേസ്റ്റ് രൂപത്തിലാക്കി കട്ടിക്ക് നെറ്റിയിൽ പുരട്ടിയാൽ തലവേദന ,മൈഗ്രേൻ എന്നിവ ശമിക്കുന്നതാണ് .

സന്ധിവേദന മാറാൻ .

സന്ധികളിലുണ്ടാകുന്ന നീരും വേദനയുമില്ലാതാക്കാൻ ഇലമുളച്ചി ഔഷധമായി ഉപയോഗിക്കാം .ഇലമുളച്ചി ഇല ഉപ്പും ,മഞ്ഞളും ചേർത്തരച്ചു പുറമെ പുരട്ടിയാൽ സന്ധികളിലുണ്ടാകുന്ന നീരും വേദനയും മാറിക്കിട്ടും .

അരിമ്പാറ വേരോടെ കളയാൻ ഇലമുളച്ചി .

ഒട്ടുമിക്കവരിലും കാണപ്പെടുന്ന ഒരു സൗന്ദര്യപ്രശ്‌നമാണ് അരിമ്പാറ .ശരീരത്ത് ഏതുഭാഗത്തും ഇത് വരാമെങ്കിലും കൈകൾ, കൈമുട്ടുകൾ,കാൽമുട്ടുകൾ,കാലുകൾ എന്നിവിടങ്ങളിലാണ് അരിമ്പാറ കൂടുതലായും കണ്ടുവരുന്നത് .ശരീരത്തിലുണ്ടാകുന്ന ഈ പരുപരുത്ത വളർച്ചയെ വേരോടെ കളയാൻ ഇലമുളച്ചി ഇലയും ഉപ്പും ചേർത്തരച്ച്‌  അരിമ്പാറയുടെ മുകളിൽ കുറച്ചുദിവസം പതിവായി പുരട്ടിയാൽ മതി . 

പൊള്ളൽ സംഭവിച്ചാൽ.

പല കാരണങ്ങൾ കൊണ്ടും ശരീരത്തിൽ പൊള്ളൽ ഉണ്ടാകാം .പൊള്ളൽ സംഭവിച്ചാൽ പെട്ടന്നുതന്നെ ഇലമുളച്ചിയുടെ ഇല അരച്ച് പൊള്ളലേറ്റ ഭാഗത്ത് പുരട്ടിയാൽ മതിയാകും .

ചെവിവേദന മാറാൻ  .

ചെവിവേദന മാറ്റുന്നതിനും ഇലമുളച്ചി സഹായിക്കും .ചെവിവേദന ഉണ്ടാകുമ്പോൾ ഇലമുളച്ചിയുടെ ഇല തീയിൽ വാട്ടിപ്പിഴിഞ്ഞ നീര്  രണ്ട് തുള്ളി വീതം ചെവിയിൽ ഒഴിച്ചാൽ ചെവിവേദന മാറും.

ആര്‍ത്തവസമയത്തെ അതികഠിനമായ വേദനയ്ക്ക്.

ആർത്തവ കാലത്തെ വേദന ഇല്ലാതാക്കാനും ഇലമുളച്ചിക്ക് കഴിയും .കൂടാതെ ആർത്തവ കാലത്തെ അമിത രക്തശ്രാവം ഇല്ലാതാക്കുന്നതിനും ഇലമുളച്ചിക്കു കഴിയും .ഇതിനായി ഇലമുളച്ചിയുടെ ഇല നീര് 10 മി .ലി വീതം ആർത്തവ നിങ്ങളിൽ  കഴിക്കാവുന്നതാണ് .

വെള്ളപോക്ക് മാറാൻ .

സ്ത്രീകളിലെ വെള്ളപോക്ക് മാറ്റുന്നതിനും ഇലമുളച്ചിക്കു കഴിവുണ്ട് .ഇതിനായി ഇലമുളച്ചിയുടെ ഇലയിട്ട് വെള്ളം തിളപ്പിച്ച് കുറച്ചുനാൾ പതിവായി കുടിച്ചാൽ മതിയാകും .

 ശരീരത്തിലെ കുരുക്കൾ ഇല്ലാതാക്കാൻ .

ശരീരത്തിലെ കുരുക്കൾ ഒഴിവാക്കാനും ഇലമുളച്ചി ഉപയോഗിക്കാം. ഇതിനായി  ഇലമുളച്ചിയുടെ ഇല അരച്ച് പുറമെ പുരട്ടിയാൽ മതിയാകും .

ആസ്മ ,ജലദോഷം ,ചുമ .

ആസ്മ ,ചുമ ,ജലദോഷം എന്നീ രോഗങ്ങൾക്കും ഇലമുളച്ചി ഔഷധമായി ഉപയോഗിക്കാം .ഇലമുളച്ചിയുടെ ഇലയുടെ 10മി .ലി  നീരിൽ തേൻ ചേർത്ത് കുറച്ചുദിവസം കഴിച്ചാൽ ആസ്മ ,ജലദോഷം ,ചുമ എന്നിവ ശമിക്കും .

മൂലക്കുരു മാറാൻ .

മൂലക്കുരുവിനും വിശേഷപ്പെട്ട ഔഷധമാണ് ഇലമുളച്ചി .ഇതിനായി ഇലമുളച്ചി ഇല നീര് 10 മി.ലി വീതം ദിവസവും കഴിക്കാവുന്നതാണ് .

മൂത്ര തടസ്സം മാറാൻ .

ഇലമുളച്ചി ഇല അരച്ച് അടി നാഭിയിൽ പുരട്ടിയാൽ മൂത്ര തടസ്സം മാറിക്കിട്ടും .ശരീരത്തിലുണ്ടാകുന്ന നീരിനും ഇലമുളച്ചിയുടെ ഇല അരച്ച് പുറമെ പുരട്ടിയാൽ മതി .

വയറുകടി .വയറിളക്കം എന്നിവ മാറാൻ .

ഇലമുളച്ചി ഇല നീര് 10 മില്ലി വീതം കഴിച്ചാൽ വയറുകടി,വയറിളക്കം എന്നിവ മാറും .

ഇലമുളച്ചിയുടെ മറ്റിനങ്ങൾ .

1. Bryophyllum daigremontianum
2. Bryophyllum delagoense
3. Bryophyllum beauverdii
4. Bryophyllum uniflorum
5. Bryophyllum miniatum
6. Bryophyllum schizophyllum
7. Bryophyllum streptanthum
8. Bryophyllum proliferum
9. Bryophyllum campanulatum
10. Bryophyllum gastonis-bonnieri
11. Bryophyllum laxiflorum
12. Bryophyllum pubescens
13. Bryophyllum rolandi-bonapartei
14. Bryophyllum rosei
15. Bryophyllum suarezens
16. Bryophyllum bouvetii
17. Bryophyllum fedtschenkoi
18. Bryophyllum macrochlamys
19. Bryophyllum manginii
20. Bryophyllum marnierianum