ദൃഷ്ടിദോഷം പൂർണ്ണമായും മാറാൻ വീട്ടിൽ എളുപ്പത്തിൽ ചെയ്യാവുന്ന കാര്യങ്ങൾ
മറ്റ് ദോഷങ്ങളേക്കാൾ എളുപ്പം ഒരാളിൽ ബാധിക്കാൻ സാധ്യതയുള്ളത് ദൃഷ്ടിദോഷമാണ് .(ചില സ്ഥലങ്ങളിൽ കണ്ണ് കിട്ടുക ,കണ്ണേറ് എന്നും ദൃഷ്ടിദോഷത്തിന് പറയാറുണ്ട് ) അതിന് ശത്രുതയോ വൈരാഗ്യമോ ഒന്നും വേണ്ട .മറ്റുള്ളവരെക്കാൾ സൗന്ദര്യമോ കഴിവോ മറ്റെന്തെങ്കിലും മതി ദൃഷ്ടിദോഷം ആർക്കും എവിടെയും സംഭവിക്കാം .ഉദാഹരണത്തിന് വീട്ടിൽ കുറച്ച് അഥിതികൾ വന്ന് പോയശേഷം സന്തോഷത്തോടെ കളിച്ചും ചിരിച്ചും നടന്ന കുട്ടി പെട്ടന്ന് ഉന്മേഷം നഷ്ട്ടപ്പെട്ട് കരച്ചിലും മറ്റ് അസ്വസ്ഥകളും കാട്ടിയാൽ അത് ദൃഷ്ടിദോഷമാണെന്ന് വീട്ടിലുള്ള മുത്തശ്ശിമാർ പറയാറുണ്ട് .അതുപോലെ മുറ്റത്ത് ഒര് മാവ് നല്ലരീതിയിൽ കായ്ച്ചുനിന്നാൽ ഒരാള് വീട്ടിൽ വന്ന് "ഹോ "മാവ് നല്ലപോലെ കായ്ച്ചിട്ടുണ്ടല്ലോ എന്ന് പറഞ്ഞാൽ മതി തീർന്നു മൊത്തം പിറ്റേന്ന് മുതൽ മാങ്ങാ മുഴുവൻ വാടി കൊഴിയാൻ തുടങ്ങും നമുക്ക് പലർക്കും അനുഭവമുള്ള ഒന്നാണ് ഇത്
കൈവിഷം പോലെ തന്നെ മാരകമായിട്ടുള്ള ഒന്ന് തന്നെയാണ് ദൃഷ്ടിദോഷവും.പ്രായഭേതമന്ന്യേ എല്ലാവരിലും ബാധിക്കാമെങ്കിലും പലപ്പോഴും കുട്ടികൾക്കാണ് ഇത് ഏറെ ബാധിക്കുക. ദൃഷ്ടിദോഷമുള്ളവർക്ക് എപ്പോഴും ശരീരക്ഷീണം ഉണ്ടാവും എപ്പോഴും കോട്ടുവായ് ഇടുന്ന ഓരു പ്രവണത ഇവരിൽ കാണാറുണ്ട് കൂടാതെ ഇവർക്ക് ശരീരത്തിൽ ചില പാടുകൾ കാണാൻ പറ്റും .രാവിലെ എഴുനേൽക്കാൻ സാധിക്കാതെ വരിക എപ്പോഴും ഉറങ്ങണം എന്നുള്ള പ്രവണത ഇവരിൽ കാണാറുണ്ട് .ഓഫീസിൽ ജോലി ചെയ്യുന്നവർക്ക് ജോലി ചെയ്യാൻ പറ്റാതെ വരിക ,ഉറക്കം വരിക ,വീട്ടിൽ തിരിച്ചുപോകാൻ തോന്നുക.കണ്ണിന്റെ താഴെ കറുപ്പുനിറം ബാധിക്കുക . കുട്ടികളാണെങ്കിൽ സ്‌കൂളിൽ പോകാൻ മടികാണിക്കുക അധവാ പോയാൽതന്നെ ക്‌ളാസിൽ ഇരുന്ന് ഉറങ്ങുക ,പഠിപ്പിക്കുന്നതൊന്നും ശ്രെദ്ധിക്കാൻ പറ്റാതെ വരിക ,എഴുതുന്ന കാര്യങ്ങളും ,പഠിച്ച കാര്യങ്ങളും മറന്നുപോകുക എന്നിവയൊക്കെ ദൃഷ്ടിദോഷമുള്ളവരിൽ കാണുന്ന ലക്ഷണങ്ങളാണ്
ദൃഷ്ടിദോഷം പൂർണ്ണമായും മാറാൻ വീട്ടിൽ എളുപ്പത്തിൽ ചെയ്യാവുന്ന കാര്യങ്ങൾ
ദൃഷ്ടിദോഷം ഇല്ലാതാക്കാൻ വളരെ എളുപ്പത്തിൽ ചെയ്യാൻ പറ്റുന്ന ഒരു പരിഹാരമാർഗ്ഗമാണ് ചെറുനാരങ്ങാ കൊണ്ട് തലയ്ക്ക് ഉഴിഞ്ഞു കളയുന്നത് .നാരങ്ങാ നന്നായി തലയ്ക്ക് ഉഴിഞ്ഞ ശേഷം ഒരു കല്ലിൽ വച്ച് അത് ചവിട്ടിപൊട്ടിച്ച് കളയുക .അല്ലങ്കിൽ ഉപ്പും ,മുളകും ,കടുകും കൂടി തലയ്ക്ക് ഉഴിഞ്ഞു അടുപ്പിലിട്ടാൽ ദൃഷ്ടിദോഷം മാറും
സ്ഥിരമായി ദൃഷ്ടിദോഷം ഉണ്ടാകുന്ന ആൾക്കാർക്ക് നരസിംഹ യന്ത്രം ധരിക്കുന്നതാണ് വളരെ നല്ലത് നരസിംഹ യന്ത്രം ദൃഷ്ടിദോഷത്തിന് മാത്രമല്ല ഉപയോഗിക്കുന്നത് .ശത്രുദോഷത്തിനും ,ഭൂത പിശാശുക്കളുടെ ഉപദ്രവം ഇല്ലാതാക്കാനും നരസിംഹ യന്ത്രം ഉപയോഗിക്കുന്നു നരസിംഹ യന്ത്രം ധരിക്കുമ്പോൾ ഉത്തമനായ ഒരു ജ്യോത്സ്യനെ കൊണ്ടോ താന്ത്രിക വിദ്യ അറിയാവുന്ന ഒരാളെ കൊണ്ടോ പൂജിച്ച ഒരു യന്ത്രമായിരിക്കണം ധരിക്കേണ്ടത്