ഇന്ത്യ ,ശ്രീലങ്ക എന്നിവിടങ്ങളിലെ വനങ്ങളിൽ മരങ്ങളെ ചുറ്റി വളരുന്ന ഒരു വള്ളിച്ചെടിയാണ് അമൃത് മിക്കവാറും എല്ലാ വീടുകളിലും നട്ടുവളർത്തുന്നുണ്ട് .അമൃത് എന്ന വാക്കിന്റെ അർഥം മരണമില്ലാതാക്കുന്നത് എന്നാണ് .രസായന ഔഷധമായി ഉപയോഗിക്കുന്ന അമൃത് രോഗങ്ങളെ ഇല്ലാതാക്കുകയും, മരണത്തെ അകറ്റുകയും ചെയ്യും എന്ന് ആയുർവേദമതം പറയുന്നു .
അമൃതാരിഷ്ടം ,അമൃതാദിചൂർണ്ണം ,ഗുളുചീസത്വം ,ഗുളുച്യാദിമോദകം ,ഗുളുച്യാദികഷായം ,സംശമനീവടി എന്നിവ അമൃത് പ്രധാന ചേരുവയായി ചേർത്തുണ്ടാക്കുന്ന ഔഷധങ്ങളാണ് .
അമൃത് മൂന്ന് തരമുണ്ട് ചിറ്റമൃത് ,കാട്ടമൃത്,മുള്ളമൃത് ഇതിൽ ചിറ്റമൃതാണ് ഔഷധങ്ങൾക്കായി പ്രധാനമായും ഉപയോഗിക്കുന്നത് .കാട്ടമൃതിന്റെ ഇല വലുതായിരിക്കും ഇതിന്റെ തളിരിലയുടെ തണ്ടിലും ഇലയുടെ അടിവശത്തും വെള്ള രോമങ്ങൾ കാണും .പലപ്പോഴും അങ്ങാടി കടകളിനിന്നും കിട്ടുന്നത് കാട്ടമൃത് ആയിരിക്കും .
ഔഷധത്തിനായി ഉപയോഗിക്കുന്നത് തണ്ടാണ് .രക്തശുദ്ധി ഉണ്ടാക്കാനും ,ശരീരതാപം ക്രമീകരിക്കാനും ,ദഹനശക്തി വർധിപ്പിക്കാനും ,ധാതുപുഷ്ടി ഉണ്ടാക്കാനും ,വൃക്കരോഗം ശമിപ്പിക്കാനും ,പ്രമേഹം ,ചർമ്മരോഗം ,വതരക്തം,പനി ,കുഷ്ടം ,മഞ്ഞപ്പിത്തം എന്നിവയെ ശമിപ്പിക്കാനും അമൃതിന് കഴിവുണ്ട് .
- Botanical name : Tinospora cordifolia
- Family : Menispermaceae (Moonseed family)
- Common name : Gulbel, Indian Tinospora, heart-leaved moonseed
- Hindi : chinnaruha, giloy, gulunch, gurch, pittaghni,jivanti, jivantika, somavalli, tiktaparvan, vajra
- Malayalam : amritavalli, chittamrut , Paiyyamruth
- Tamil : acaci,akaca-valli, akaya-valli, amarai, amirta-k-koti, amirta-valli,amirtai, amutai, amutam, anantai, arukam, arukanci, caka-muli
- Kannada : amara, amritaballi, ugani balli
- Marathi : amrutvel, guduchi, gulvel
- Sanskrit : agnisikha, amrta, amrtavallari, amrtavalli, bhishakpriya
- Odia : chandrahasa, gulancha, guruchi, jibantika
- Punjabi : galo, gilo
- Telugu Guloochi, Thippathige
രസാദിഗുണങ്ങൾ
- രസം : തിക്തം,കടു
- ഗുണം : ഉഷ്ണം,സ്നിഗ്ധം,ലഘു
- വീര്യം : ഉഷ്ണം
- വിപാകം : മധുരം
ഔഷധപ്രയോഗങ്ങൾ
പ്രമേഹം.
അമൃതും ,കൊടുവേലിയും ചതച്ച് കഷായം വച്ച് വറ്റിച്ച് കിട്ടുന്ന നൂറ് ഉണക്കി കിട്ടുന്ന പൊടി ഒരു ഗ്രാം വീതമുള്ള ഗുളികകളാക്കി ഉണക്കി സൂക്ഷിക്കാം ഈ ഗുളിക മൂന്ന് നേരം ഓരോന്ന് വീതം തുടർച്ചയായി കഴിച്ചാൽ പ്രമേഹം പൂർണ്ണമായും ശമിക്കും .
അമൃതിന്റെ തണ്ട് ചതച്ച് കിട്ടുന്ന നീരും ,നെല്ലിക്ക നീരും ,മഞ്ഞൾപ്പൊടിയും യോജിപ്പിച്ച് 10 മില്ലി വീതം ദിവസവും രാവിലെ വെറുംവയറ്റിൽ കഴിച്ചാൽ പ്രമേഹം ശമിക്കും .
വിളർച്ച (Anaemia ).
അമൃത് ചതച്ച് വെള്ളത്തിൽ കലക്കി അടിയുമ്പോൾ കിട്ടുന്ന നൂറ് ഉണക്കി കിട്ടുന്ന പൊടി രാവിലെയും വൈകിട്ടും തേനിൽ ചാലിച്ച് പതിവായി കഴിച്ചാൽ വിളർച്ചരോഗം (Anaemia )മാറും.
ചുട്ടുനീറ്റൽ.
അമൃത് ചതച്ച് വെള്ളത്തിൽ കലക്കി അടിയുമ്പോൾ കിട്ടുന്ന നൂറ് ഉണക്കി കിട്ടുന്ന പൊടി 250 മില്ലി ഗ്രാം ദിവസവും മൂന്നു നേരം കഴിച്ചാൽ ശരീരത്തിലുണ്ടാകുന്ന ചുട്ടുനീറ്റൽ മാറും .
വൃക്കരോഗം.
അമൃത് ചതച്ച് കിട്ടുന്ന നീര് 15 മില്ലി വീതം രാവിലെയും വൈകിട്ടും പതിവായി കഴിച്ചാൽ വൃക്കരോഗം ശമിക്കും .
വാതരോഗം .
അമൃതും ,തിഫലയും തുല്യ അളവിൽ കഷായം വച്ച് 25 മില്ലി വീതം രാവിലെയും വൈകിട്ടും പതിവായി കഴിച്ചാൽ പെരുമുട്ടുവാതം ശമിക്കും .
രക്തപിത്തം ,മഞ്ഞപിത്തം.
അമൃതിന്റെ നീര് 10 മില്ലി വീതം ദിവസവും രണ്ട് നേരം ചേർത്ത് കഴിക്കുന്നത് രക്തപിത്തം ,മഞ്ഞപിത്തം ,വാതരക്തം എന്നിവ ശമിക്കും .
പനി ,ജലദോഷം.
അമൃതിന്റെ നീര് ഒരു ഔൺസ് ഒരു സ്പൂൺ തേനും ചേർത്ത് രാവിലെയും വൈകിട്ടും തുടർച്ചായി 5 ദിവസം കഴിച്ചാൽ പനി ,ജലദോഷം എന്നിവ പൂർണ്ണമായും മാറും .