ഈശ്വരമൂലി (ഗരുഡക്കൊടി) ഔഷധഗുണങ്ങൾ

വളരെയേറെ ഔഷധഗുണങ്ങളുള്ളതും വിഷചികിത്സയിൽ ഉപയോഗിക്കുന്നതുമായ  ഒരു ഔഷധച്ചെടിയാണ്  ഈശ്വരമൂലി. കേരളത്തിൽ ഇതിനെ ഗരുഡക്കൊടി , കുടുക്കമൂലി, ഗരുഡപ്പച്ച , ഈശ്വരമുല്ല , കരളകം ,ഉറിതൂക്കി ,വലിയ അരയൻ എന്നീ പല പേരുകളിലും ഈ സസ്യം അറിയപ്പെടും .

• Binomial name : Aristolochia indica
• Family : Aristolochiaceae
• Synonyms : Aristolochia alanceolat ,Aristolochia pandurata , Aristolochia manshuriensis
• Common name : Indian birthwort
• Malayalam name :  Eshwaramulla , Garudakodi , Iswaramooli ,Kudukkamooli , Urithoong , Kadalivegam , Karalakam , Karalayam ,Karalvegam , Karanavalli , Karandavalli , Urikizhangu
• Tamil name : Perumarunthu , Perumarunthukodi , Thazhaisuruli kodi , Urikkachedi , Kozhikkundu 
• Hindi name : Esharmul
• Kannada name : Eshwariballi
• Telugu name : Nagasara , Iswariveru
• Sanskrit name : Garudee, Sunanda, Arkamula, Ishwari, Nakuli

ആവാസമേഖല .

കേരളത്തിലെ നാട്ടിൻപുറങ്ങളിലും ,മലയോര മേഖലകളിലും, വനങ്ങളിലും ഈശ്വരമൂലി കാണപ്പെടുന്നു . 600 മീറ്റർ വരെ ഉയരമുള്ള പർവത പ്രദേശങ്ങളിലും ,സമതലങ്ങളിലും ഈശ്വരമൂലി ധാരാളമായി കാണപ്പെടുന്നു .

രൂപവിവരണം .

പടർന്നു കയറുന്ന ഒരു വള്ളിച്ചെടിയാണ് ഈശ്വരമൂലി . ഇതിന്റെ ഇലകൾക്ക് നല്ല നീളമുണ്ട്‌ . ഏകദേശം 6 സെ.മി നീളം കാണും .ഇലകൾ ഏകാന്തരക്രമത്തിൽ വിന്യസിച്ചിരിക്കുന്നു .പൂക്കൾ കുലകളായി ഉണ്ടാകുന്നു .പൂക്കൾക്ക് പച്ചകലർന്ന വെള്ളനിറമാണ് .ഇതിന്റെ ഫലങ്ങൾ താഴോട്ട് തൂങ്ങിക്കിടക്കുന്നു .വിത്തുകൾക്ക് പരന്നതും  ത്രികോണ ആകൃതിയും ചിറകുകളോട് കൂടിയതുമാണ് .

രാസഘടകങ്ങൾ .

 ഈശ്വരമൂയുലിടെ ഇലകളിലും തണ്ടുകളിലും ഒരു സുഗന്ധതൈലം ,അരിസ്റ്റോലോക്കിൻ എന്ന ആൽക്കലോയിഡ് ,രഞ്ജക വസ്തു എന്നിവ അടങ്ങിയിരിക്കുന്നു . ഈശ്വരമൂയുലിടെ വേരിൽ ഐസോ അരിസ്റ്റോലിക്  അമ്ലം ,അല്ലറ്റോയിൻ എന്നീ പതാർഥങ്ങൾ അടങ്ങിയിരിക്കുന്നു .

ഈശ്വരമൂലിയുടെ ഔഷധഗുണങ്ങൾ .

ഗരുഡൻ പാമ്പിനെ നിഷ്പ്രഭമാക്കുന്നതുപോലെ ഈ സസ്യം 

പാമ്പുവിഷത്തെ നിർവീര്യമാക്കുന്നതിനാലാണ് ഗാരുഡി എന്ന് സംസ്‌കൃതത്തിലും ഗരുഡക്കൊടി എന്നു മലയാളത്തിലും പേരുകൾ കിട്ടിയത്. കൂടാതെ ചർമ്മരോഗങ്ങൾ ,കഫവാത രോഗങ്ങൾ എന്നിവ ശമിപ്പിക്കുന്നു .രക്തശുദ്ധിയുണ്ടാക്കുന്നു .മലേറിയ ,അതിസാരം ,നീര് ,പനി ,ദഹനക്കേട് തുടങ്ങിയവയ്ക്കും ഈശ്വരമൂലി ഒരു ഉത്തമ പ്രതിവിധിയാണ് .നീലിദലാദി തൈലം, പരന്ത്യാദി തൈലം എന്നിവയിൽ  ഈശ്വരമൂലി ഒരു ചേരുവയാണ്.

ഔഷധയോഗ്യ ഭാഗം .വേര് ,ഇല ,ചിലപ്പോൾ സമൂലമായും ഉപയോഗിക്കുന്നു .

രസാദിഗുണങ്ങൾ.

രസം  : കഷായം, തിക്തം, കടു

ഗുണം : ലഘു, രൂക്ഷം

വീര്യം : ഉഷ്ണം

വിപാകം : കടു

ചില ഔഷധപ്രയോഗങ്ങൾ .

പാമ്പിൻ വിഷം ശമിക്കാൻ .

പാമ്പു കടിയേറ്റാൽ ഉടൻ തന്നെ ഈശ്വരമൂലയുടെ ഇല അരച്ച് കടിയേറ്റ ഭാഗത്ത് ശക്തിയായി തിരുമ്മുകയും ഇലയുടെ നീരിൽ കുരുമുളകു പൊടി ചേർത്ത് കുടിക്കുകയും ചെയ്യണം . ഇങ്ങനെ 6 തവണ കുടിച്ചാൽ പാമ്പിൻ വിഷം ശമിക്കും / ഈശ്വരമൂലിയുടെ വേരും അതെ അളവിൽ ചന്ദനവും ചേർത്ത് അരച്ച് പാലിൽ കലക്കി കുടിച്ചാൽ പാമ്പിൻ വിഷം ശമിക്കും.

വയറിളക്കം ,ദഹനക്കേട് ,പനി ,നീര് .

ഈശ്വരമൂലിയുടെ നീര് ദിവസം രണ്ടു നേരം 5 മില്ലി വീതം കഴിച്ചാൽ  വയറിളക്കം ,ദഹനക്കേട് ,പനി ,നീര്  എന്നിവ ശമിക്കും.

മലേറിയ .

ഈശ്വരമൂലിയുടെ ഇല ,കുരുമുളക് ,ജീരകം, സ്പടികം എന്നിവ തുല്ല്യ അളവിൽ അരച്ച് ഒരു ഗ്രാം വീതമുള്ള ഗുളികകളാക്കി വെയിലിൽ 

ഉണക്കി ദിവസവും ഒരു ഗുളിക വീതം മൂന്ന് നേരം കഴിച്ചാൽ മലേറിയ മാറും .

കോളറ .

ഈശ്വരമൂലിയുടെ വേരും കൂവളത്തിന്റെ വേരും തുല്ല്യ അളവിൽ കഷായം വച്ച് 50 മില്ലി വീതം ദിവസേന രണ്ടുനേരം കഴിച്ചാൽ കോളറ ശമിക്കും .

നല്ല ശോധന ഉണ്ടാകാന്‍.

ഈശ്വരമൂലിയുടെ  ഒന്നോ ,രണ്ടോ ഇല അരച്ച് കഴിച്ചാൽ നല്ല മലശോധനയുണ്ടാകും .

വെള്ളപ്പാണ്ഡ് മാറാൻ.

ഈശ്വരമൂലിയുടെ ഇല ഉണക്കിപ്പൊടിച്ച് 5 ഗ്രാം വീതം രാവിലെ വെറുവയറ്റിൽ പതിവായി കഴിച്ചാൽ വെള്ളപ്പാണ്ഡ്  മാറും .

പല്ലുവേദന മാറാൻ .

ഈശ്വരമൂലി ഇരുമ്പു തൊടാതെ ചതച്ച് വെളിച്ചെണ്ണയിൽ കരിച്ച്  ഈ എണ്ണ മോണയിൽ പുരട്ടിയാൽ പല്ലുവേദന ശമിക്കും.

തേൾവിഷം ശമിക്കാൻ .

ഈശ്വരമൂലിയുടെ ഇലയും പച്ചമഞ്ഞളും  ചേർത്തരച്ച് പുരട്ടിയാൽ തേൾ വിഷം പഴുതാര വിഷം എന്നിവ ശമിക്കും.

സ്വപ്നസ്കലനം മാറാൻ .

ഈശ്വരമൂലിയുടെ വേര് ഒരു ചരടിൽ കോർത്ത് അരയിൽ കെട്ടിയാൽ പുരുഷന്മാർക്ക് ഉണ്ടാകുന്ന സ്വപ്നസ്കലനം മാറും .

കാലിലെ വളംകടി മാറാൻ .

വളംകടിക്കും ,കാലിന്റെ വിരലുകൾക്കിടയിൽ ദുർഗന്ധമുള്ള പുണ്ണിനും ഈശ്വരമൂലിയുടെ ഇല അരച്ചു പുരട്ടിയാൽ മതി .

സോറിയാസിസ് മാറാൻ .

ഈശ്വരമൂലിയുടെ ഇല അരച്ച് ഒരു നെല്ലിക്കയോളം വലിപ്പത്തിൽ 21 ദിവസം തുടർച്ചയായി കഴിച്ചാൽ സോറിയാസിസ് മാറും.

പശുക്കൾക്കുണ്ടാകുന്ന അകിടുവീക്കം മാറാൻ.

പശുക്കൾക്കുണ്ടാകുന്ന അകിടുവീക്കം മാറാൻ  ഈശ്വരമൂലിയുടെ ഇല അരച്ച് അകിടിൽ പുരട്ടിയാൽ മതിയാകും .കൂടാതെ തൊഴുത്തിനടുത്ത്  ഈശ്വരമൂലി നട്ടുവളർത്തിയാൽ പശുക്കൾക്ക് അകിടുവീക്കം ഉണ്ടാകില്ല.

കൃമിശല്ല്യം ഇല്ലാതാക്കാൻ .

ഈശ്വരമൂലിയുടെ ഇല അരച്ച് സന്ധ്യയ്ക്ക് ശേഷം വയറിനു മുകളിൽ പുരട്ടി 2 മണിക്കൂറിന് ശേഷം കഴുകിക്കളയാം . ഇങ്ങനെ ചെയ്താൽ വയറ്റിലുള്ള കൃമികൾ എല്ലാം മലത്തോടൊപ്പം പുറത്തുപോകും.

മലമ്പനിക്ക് .

ഈശ്വരമൂലിയുടെ ഇല ചവച്ചിറക്കിയാൽ മലമ്പനി മാറും

ആർത്തവവേദന മാറാൻ . 

ഈശ്വരമൂലിയുടെ ഇല അരച്ച് നാഭിയിൽ പുരട്ടിയാൽ ആർത്തവ വേദന മാറും .