മുത്തങ്ങ പാലിൽ തിളപ്പിച്ചത് അമൃതിന് തുല്ല്യം

പനി ,വയറിളക്കം ,ഛർദ്ദി ,വെള്ളപോക്ക് ,മുലപ്പാൽ വർധന മുതലായവയുടെ ചികിൽത്സയിൽ ആയുർവേദത്തിൽ പരാമർശിച്ചിട്ടുള്ള ഒരു ഔഷധസസ്യമാണ് മുത്തങ്ങ .കേരളത്തിൽ ഇതിനെ കുഴിമുത്തങ്ങ ,കരിമുത്തങ്ങ ,കശേരുക ,കസേരുകം എന്നീ പേരുകളിലും അറിയപ്പെടുന്നു .ഇംഗ്ലീഷിൽ നട്ട് ഗ്രാസ് എന്ന പേരിലും സംസ്‌കൃതത്തിൽ മുസ്ത ,മുസ്തക ,വരിട ,കാന ,കുരുവിന്ദ എന്നീ പേരുകളിലും അറിയപ്പെടുന്നു .

Botanical name: Cyperus rotundus

Family: Cyperaceae (Sedge family)

മുത്തങ്ങ,#മുത്തങ്ങ,#ആന കൂട്ടം മുത്തങ്ങ,#കാട്ടാനാ മുത്തങ്ങ,മുത്തങ്ങ ആരോഗ്യത്തിന്,ആരോഗ്യ സംരക്ഷണത്തിന് മുത്തങ്ങ,#മുത്തങ്ങ ഫോറെസ്റ്റ് വയനാട്,#മുത്തങ്ങ #വയനാട് #elephanat attack,മുത്തങ്ങയുടെ ഗുണങ്ങൾ,മുത്തങ്ങയുടെ ആരോഗ്യ ഗുണങ്ങൾ,മുത്തശ്ശി വൈദ്യം,തെക്കേ മുറ്റത്തെ മുത്തങ്ങാപുല്ലിൽ,ഔഷധ സസ്യങ്ങൾ,മുത്തങ്ങ ഒരു കേമൻ തന്നെ ഔഷധ ഗുണങ്ങൾ മലയാളം /nut grass/coco grass/കോര/cyperus rotundus,ട്രൂകോപി തിങ്ക്,മുലപ്പാൽ വർധിക്കാൻ,muthanga,4k,new10 vlogs,muthanga forest safari

വിതരണം .

ഇന്ത്യയിലുടനീളം പാഴ്‌സ്‌ഥലങ്ങളിലും കൃഷിയിടങ്ങളിലും അടിക്കാടായി മുത്തങ്ങ വളരുന്നു .

സസ്യവിവരണം .

15 മുതൽ 30 സെ.മീ ഉയരത്തിൽ വരെ വളരുന്ന ഒരു ബഹുവർഷ ഔഷധി .ഇലകൾ ചുവട്ടിൽ കൂട്ടമായി കാണപ്പെടുന്നു .ഇലകൾക്ക് 10 മുതൽ 20 സെ.മീ നീളവും 0 .5 സെ.മീ വീതിയും കാണും .ഇലകളുടെ അറ്റം കനം കുറഞ്ഞ് കൂർത്തിരിക്കും .ഇവയുടെ പൂക്കൾ ചെറുതും ഇരുണ്ട പച്ചനിറത്തോടു കൂടിയതുമാണ് .ഭൂമിക്കടിയിലുണ്ടാകുന്ന വേരുകളിലുള്ള ചെറിയ ഉരുണ്ട മുട്ടുകളാണ് മുത്തങ്ങാക്കിഴങ്ങ് .ഇവയ്ക്ക് കറുപ്പു നിറവും നല്ല സുഗന്ധമുള്ളതുമാണ് .അകം വെളുത്ത നിറത്തിലോ ക്രീം നിറത്തിലോ കാണപ്പെടുന്നു .പുരാതന കാലത്ത് വസ്ത്രങ്ങൾക്ക് നല്ല മണം കിട്ടാൻ വേണ്ടി മുത്തങ്ങാക്കിഴങ്ങ് ഉണക്കി വസ്ത്രങ്ങൾക്കിടയിൽ സൂക്ഷിക്കുന്ന പതിവുണ്ടായിരുന്നു .

36 ഇനം മുത്തങ്ങ ഇനങ്ങളുണ്ട് .ഇവയിൽ ചെറുമുത്തങ്ങയും കുഴിമുത്തങ്ങയുമാണ് ഔഷധങ്ങൾക്ക് ഉപയോഗിക്കുന്നത് .കുഴിമുത്തങ്ങ വലുതും കട്ടി കൂടിയതുമാണ് .

രാസഘടന .

മുത്തങ്ങാക്കിഴങ്ങിൽ റെസിൻ ,ആൽബുമിൻ ,കാർബോഹൈഡ്രേറ്റ്, പഞ്ചസാര ,ആൽക്കലോയിഡ് എന്നിവയും ഒരു സുഗന്ധതൈലവും അടങ്ങിയിരിക്കുന്നു .

വിവിധ ഭാഷകളിലെ പേരുകൾ .

English Name – Nut Grass,Purple Nut Sedge

Malayalam Name – Muthanga

Tamil Name – Korai Kilangu

Telugu Name – Tunga Mustalu

Hindi Name – Motha, Nagarmotha

മുത്തങ്ങയുടെ ഔഷധഗുണങ്ങൾ .

വീട്ടമ്മമാർ സർവസാധാരണമായി ഉപയോഗിച്ചു വരുന്ന ഒരു ഔഷധമാണ് മുത്തങ്ങ .മുൻകാലങ്ങളിൽ മുത്തങ്ങ ഇട്ട് തിളപ്പിച്ച വെള്ളം ദാഹശമനിയായി ഉപയോഗിച്ചിരുന്നു.ഉപയോഗത്തെ ആധാരമാക്കി ആയുർവ്വേദം മുത്തങ്ങയെ അതിസാരശമനൗഷധങ്ങളുടെ ഗണത്തിൽ ഉൾപ്പെടുത്തിയിരിക്കുന്നു .യൗവനദായകമായ മുത്തങ്ങ കടുതിക്തകഷായരസത്തോടു കൂടിയതും ലഘുരൂക്ഷ ഗുണങ്ങളുള്ളതുമാണ് .മുത്തങ്ങാക്കിഴങ്ങ് ദഹനശക്തി വർധിപ്പിക്കുകയും വിശപ്പുണ്ടാക്കുകയും മുലപ്പാൽ വർധിപ്പിക്കുകയും ശുദ്ധീകരിക്കുകയും ചെയ്യും .കുട്ടികളിലെ വിശപ്പില്ലായ്‌മ ,രുചിയില്ലായ്‌മ ,വിരശല്ല്യം എന്നിവയ്ക്ക് മുത്തങ്ങ ഉത്തമമാണ് .

മുത്തങ്ങ ശീതമാണ് .വീക്കത്തെ ശമിപ്പിക്കും .രക്തം ശുദ്ധീകരിക്കും .ബുദ്ധി വികസിപ്പിക്കും ,പോഷണമാണ് ശരീരശക്തി വർധിപ്പിക്കും .ശരീരത്തിലെ അമിത ചൂട് നിയന്ത്രിക്കും .ഉദരരോഗങ്ങൾ ,വായുകോപം ദഹനക്കേട് എന്നിവ ശമിപ്പിക്കും .കഫവും മൂത്രവും ഇളക്കും .മലബന്ധമുണ്ടാക്കും .ആർത്തവം തിരികെ കൊണ്ടുവരും .മൂത്രത്തിൽ കല്ലിനെ അലിയിച്ചു കളയും .രോഗങ്ങൾ അവർത്തിച്ചുണ്ടാകുന്നത് തടയും .വിയർപ്പുണ്ടാക്കും .ത്വക്ക് രോഗങ്ങൾ ,കുഷ്ടം ,സ്കാബീസ് ,ചുണങ്ങ് ,ഫംഗസ് അണുബാധ ,താരൻ മറ്റു ത്വക്ക് രോഗങ്ങൾ എന്നിവ ശമിപ്പിക്കും .ഇത് ചർമ്മത്തിന് തിളക്കവും നിറവും വർധിപ്പിക്കാൻ സഹായിക്കുന്നു .

ഞരമ്പുരോഗങ്ങൾ ,അപസ്‌മാരം ,ചിത്തവിഭ്രാന്തി, അൽഷിമേഴ്‌സ് രോഗം എന്നിവയ്ക്കും നല്ലതാണ് .വിരശല്ല്യം ,വയറിളക്കം ,അതിസാരം ,ഛർദ്ദി ,കുടൽപ്പുണ്ണ് എന്നിവയ്ക്കും നല്ലതാണ് .ക്രമരഹിതമായ ആർത്തവം ,ആർത്തവ വേദന എന്നിവയ്ക്കും നല്ലതാണ് .പനി ,മലേറിയ ,ചുമ ,ആസ്മ എന്നിവയ്ക്കും നല്ലതാണ് .മുറിവുകൾ ,വ്രണം ,നേത്രരോഗങ്ങൾ എന്നിവയ്ക്കും നല്ലതാണ് .മുത്തങ്ങയിൽ നിന്നും എടുക്കുന്ന എണ്ണ കരൾ സംബന്ധമായ എല്ലാ രോഗങ്ങൾക്കും നല്ലതാണ് .

ഔഷധസസ്യങ്ങളും അവയുടെ ഗുണങ്ങളും അവ ഏതെല്ലാം മരുന്നുകളിൽ ചേരുവയുണ്ടന്നും അവ ഏതെല്ലാം രോഗങ്ങൾക്ക് ഉപയോഗിക്കുന്നു എന്നും ഒരു ഏകദേശ വിവരണം മാത്രമാണ് ഇവിടെ നൽകിയിരിക്കുന്നത് .അതിനാൽ ഒരു ആയൂർവ്വേദ ഡോക്ടറുടെ നിർദേശമില്ലാതെ സ്വയം ചികിൽത്സിക്കരുത് .

മുത്തങ്ങ ചേരുവയുള്ള ചില ഔഷധങ്ങൾ .

മുസ്താരിഷ്ടം (Mustarishtam).

ദഹനസംബന്ധമായ രോഗങ്ങളുടെ ചികിൽത്സയിൽ ഉപയോഗിക്കുന്ന അരിഷ്ട രൂപത്തിലുള്ള ഒരു ആയുർവേദ മരുന്നാണ് മുസ്താരിഷ്ടം .ദഹനക്കേട് ,വിശപ്പില്ലായ്‌മ ,ദഹനക്കുറവ് ,വയറിളക്കം ,ഛർദ്ദി ,ഗ്യാസ്ട്രൈറ്റിസ് ,ഇറിറ്റബിൾ ബവൽ സിൻഡ്രോം ,മുതലായവയുടെ ചികിൽത്സയിൽ മുസ്താരിഷ്ടം ഉപയോഗിച്ചു വരുന്നു .

വിശ്വാമൃതം (Viswamritam).

വയറിളക്കം ,ദഹനക്കുറവ് ,വിശപ്പില്ലായ്‌മ ,ഗ്രഹണി ,പനി മുതലായവയുടെ ചികിൽത്സയിലും പ്രസവാനന്തര ചികിൽത്സയിലും വിശ്വാമൃതം ഉപയോഗിച്ചു വരുന്നു .

ച്യവനപ്രാശം (Chyavanaprasam),

ആയുർവേദ മരുന്നുകളിൽ ഏറെ പ്രശസ്‌തമായ ഒന്നാണ് ച്യവനപ്രാശം .ഇതൊരു രസായനൗഷധമാണ്. ആയുർവേദത്തിൽ രോഗപ്രതിരോധത്തിനും ആരോഗ്യ പരിപാലനത്തിനും യൗവനം നിലനിർത്താനുമുള്ള ഒരു ഔഷധമാണ് ച്യവനപ്രാശം..

മഹാതിക്തകഘൃതം (Mahatiktakaghritam).

ചർമ്മരോഗങ്ങൾ ,ഹെർപ്പിസ് ,ഗ്യാസ്ട്രൈറ്റിസ്,സന്ധിവാതം ,അനീമിയ ,മഞ്ഞപ്പിത്തം ,പനി ,അമിത ആർത്തവം ,വെള്ളപോക്ക് ,പെപ്റ്റിക് അൾസർ ,മാനസിക സമ്മർദം ,ഉത്ക്കണ്ഠ ,അപസ്‌മാരം മുതലായവയുടെ ചികിൽത്സയിൽ മഹാതിക്തകഘൃതം ഉപയോഗിച്ചു വരുന്നു .

ബലാധാത്ര്യാദി തൈലം (Baladhathryadi Tailam) .

തലവേദന ,ശരീരം പുകച്ചിൽ ,തലപുകച്ചിൽ ,കണ്ണ് പുകച്ചിൽ ,സന്ധിവാതം മുതലായവയുടെ ചികിൽത്സയിൽ ബലാധാത്ര്യാദി തൈലം ഉപയോഗിച്ചു വരുന്നു .

തിക്തകം ക്വാഥം (Tiktakam kwatham Tablet).

ത്വക്ക് രോഗങ്ങൾ ,വെള്ളപ്പാണ്ട് ,അനീമിയ ,ഉണങ്ങാത്ത വ്രണങ്ങൾ , ഇൻഫ്ലമേറ്ററി ബവൽ ഡിസീസ് അഥവാ ഐ ബി ഡി,കരൾ രോഗങ്ങൾ ഉ,ത്കണ്ട ,മാനസിക സമ്മർദം മുതലായവയുടെ ചികിൽത്സയിൽ ഉപയോഗിക്കുന്ന ഗുളിക രൂപത്തിലുള്ള ഒരു ആയുർവേദ ഔഷധമാണ് തിക്തകം ക്വാഥം.

പുനർനവാമണ്ഡൂരം (Punarnavamanduram).

അനീമിയ ,പൈൽസ് ,വിട്ടുമാറാത്ത പനി ,ഗ്രഹണി ,ഡെർമറ്റൈറ്റിസ്, കൃമിശല്ല്യം ,ദഹനക്കേട്‌ മുതലായവയുടെ ചികിൽത്സയിൽ പുനർനവാമണ്ഡൂരം ഉപയോഗിക്കുന്നു .

ബ്രാഹ്മരസായനം (Brahma Rasayanam).

ശരീരത്തിന്റെയും മനസ്സിന്റെയും ആരോഗ്യം കാത്തു സൂക്ഷിക്കാൻ ഉപയോഗിക്കുന്ന ച്യവനപ്രാശത്തിന് സമാനമായ ഒരു ആയുർവേദ ഔഷധമാണ് ബ്രാഹ്മരസായനം.ബുദ്ധിശക്തി ,ഓർമ്മശക്തി ,മാനസിക പിരിമുറുക്കം, ബുദ്ധിമാന്ദ്യം , ശരീരക്ഷീണം ,ചർമ്മത്തിലെ ചുളിവുകൾ ,അകാലനര, മുടികൊഴിച്ചിൽ ,പ്രധിരോധശേഷിക്കുറവ് മുതലായവയുടെ ചികിൽത്സയിൽ ബ്രാഹ്മരസായനം ഉപയോഗിച്ചുവരുന്നു .

ചാർങ്ഗേര്യാദി ഘൃതം (Charngeryadi Ghritam).

പൈൽസ് ,മലദ്വാരം പുറത്തേക്ക് വരുന്ന രോഗാവസ്ഥ,വയറുവീർപ്പ് ,വയറിളക്കം,മൂത്രച്ചൂടിച്ചിൽ,ഗര്‍ഭാശയം താഴേക്കിറങ്ങിവരുന്ന അവസ്ഥ മുതലായവയുടെ ചികിൽത്സയിൽ ചാർങ്ഗേര്യാദി ഘൃതം ഉപയോഗിക്കുന്നു .

ജീരകാരിഷ്ടം ( Jeerakarishtam).

പ്രസവാനന്തര ചികിൽത്സയിൽ ജീരകാരിഷ്ടം സാധാരണയായി ഉപയോഗിച്ചു വരുന്നു .കൂടാതെ അരുചി, ദഹനക്കേട്,വയറുവേദന, ഗ്യാസ്ട്രബിൾ,മലബന്ധം തുടങ്ങിയവയുടെ ചികിൽത്സയിലും ജീരകാരിഷ്ടം ഉപയോഗിക്കുന്നു .

നാഗരാദി തൈലം (Nagaradi Tailam).

കഴുത്തിനു മുകളിലുണ്ടാകുന്ന രോഗങ്ങളുടെ ചികിൽത്സയിൽ നാഗരാദി തൈലം ഉപയോഗിക്കുന്നു .

അണുതൈലം (Anu Tailam).

കഴുത്തിനു മുകളിലോട്ടുള്ള എല്ലാവിധ രോഗങ്ങൾക്കും നസ്യം ചെയ്യുവാൻ ഉപയോഗിക്കുന്ന ഒരു ആയുർവേദ മരുന്നാണ് അണുതൈലം. തലവേദന, മൈഗ്രേൻ, സൈനസൈറ്റിസ്, മുടികൊഴിച്ചിൽ മുതലായവയുടെ ചികിൽത്സയിൽ അണുതൈലം ഉപയോഗിച്ചു വരുന്നു .

അരിമേദാദി തൈലം (Arimedadi Tailam).

ആയുർവേദത്തിൽ മുഖരോഗ ചികിൽത്സയിൽ നിർദ്ദേശിച്ചിരിക്കുന്ന ഒരു തൈലമാണ് അരിമേദാദി തൈലം.മുഖരോഗം എന്നാൽ വായിലുണ്ടാകുന്ന രോഗങ്ങൾ എന്നാണ് .ദന്തരോഗങ്ങളുടെ ചികിൽത്സയിലാണ് ഈ തൈലം പ്രധാനമായും ഉപയോഗിക്കുന്നത് .പല്ലുകളുടെയും മോണകളുടേയും ബലം വർധിപ്പിക്കുന്നതിനും വായിലുണ്ടാകുന്ന പല രോഗങ്ങളെ തടയുന്നതിനും ഈ തൈലം വളരെ ഫലപ്രദമാണ് .

മുസ്താകരഞ്ചാദി കഷായം (Mustakaranjadi Kashayam)

വയറുവേദന ,വയറിളക്കം തുടങ്ങിയ ദഹനസംബന്ധമായ രോഗങ്ങളുടെ ചികിൽത്സയിൽ ഉപയോഗിക്കുന്ന ഒരു ആയുർവേദ ഔഷധമാണ് മുസ്താകരഞ്ചാദി കഷായം.

malayalam,muthanga,malayalam travel vlogger muthanga,#medicinal plant muthanga,health tips in malayalam,medicinal plants malayalam,malayalam news live,medicinal plant,nilamanga malayalam,how to use nilamanga malayalam,elephant in sathyamangalam,ooty trip plan malayalam,latest malayalam news,health malayalam,malayalam breaking news,green tea malayalam,malayalam tips,malayalam news,paal muthukkan kizhangu in tamil,plants,health talk malayalam

ഔഷധയോഗ്യഭാഗം .

കിഴങ്ങ് .

രസാദി ഗുണങ്ങൾ .

രസം -കടു ,തിക്തം ,കഷായം

ഗുണം -ലഘു ,രൂക്ഷം

വീര്യം -ശീതം

വിപാകം -കടു

മുത്തങ്ങായുടെ ചില ഔഷധപ്രയോഗങ്ങൾ .

മുത്തങ്ങാക്കിഴങ്ങും നിലപ്പനക്കിഴങ്ങും തുണിയിൽ കിഴികെട്ടി പശുവിൻ പാലിലിട്ട് തിളപ്പിച്ച് കുറുക്കി പഞ്ചസാര ചേർത്ത് പതിവായി കഴിച്ചാൽ സ്ത്രീകളിലെ വെള്ളപോക്ക് മാറിക്കിട്ടും .മുത്തങ്ങാക്കിഴങ്ങ് അരച്ച് ശരീരമാസകലം പുരട്ടി കുറച്ചുസമയത്തിനു ശേഷം കുളിച്ചാൽ ശരീരത്തിൽ അനുഭവപ്പെടുന്ന അമിതമായ ചൂട് മാറിക്കിട്ടും .കൂടാതെ ശരീരത്തിന് നല്ല സുഗന്ധം ഉണ്ടാകുകയും ചെയ്യും .മുത്തങ്ങാക്കിഴങ്ങ് ചതച്ച് എണ്ണയിൽ കാച്ചി തലയിൽ പതിവായി തേച്ചു കുളിച്ചാൽ മുടികൊഴിച്ചിൽ മാറി മുടി സമൃദ്ധമായി വളരാൻ സഹായിക്കും .

മുലപ്പാൽ വർദ്ധനവിന് മുത്തങ്ങാക്കിഴങ്ങ് അരച്ച് സ്തനങ്ങളിൽ പുരട്ടുന്നത് നല്ലതാണ് .കൂടാതെ മുലപ്പാലിന് എന്തെങ്കിലും ദൂഷ്യമുണ്ടങ്കിൽ അത് മാറിക്കിട്ടുകയും ചെയ്യും .പാടത്താളിയും മുത്തങ്ങാക്കിഴങ്ങും സമമായി എടുത്ത് കഷായമുണ്ടാക്കി 30 മില്ലി വീതം രാവിലെയും വൈകിട്ടും പതിവായി 15 ദിവസം തുടർച്ചയായി കഴിച്ചാൽ മുലപ്പാലിനൊപ്പം പഴിപ്പു വരിക ,മുലപ്പാലിന് നിറവ്യത്യാസം ,സ്തനങ്ങളിലെ നീര് മുതലായ രോഗങ്ങൾ മാറിക്കിട്ടും .മുത്തങ്ങാക്കിഴങ്ങ് അരച്ച്‌ വാഴപ്പിണ്ടി നീരിൽ ചാലിച്ച് മുലയൂട്ടുന് അമ്മമാർ ഉള്ളിൽ കഴിക്കുന്നതും മുലപ്പാലിന് എന്തെങ്കിലും ദൂഷ്യമുണ്ടങ്കിൽ അത്‌ മാറാൻ നല്ലതാണ് .

മുത്തങ്ങാക്കിഴങ്ങ് ഉണക്കിപ്പൊടിച്ച് ഒരു ഗ്രാം മുതൽ മൂന്നു ഗ്രാം വരെ തേൻ ചേർത്ത് ദിവസം 3 നേരം എന്ന കണക്കിൽ കഴിച്ചാൽ വയറിളക്കം ,വയറുകടി ,ദഹനക്കേട് ,ഗ്രഹണി മുതലായവയ്ക്ക് ശമനമുണ്ടാകും .ഇതിനായി മുത്തങ്ങാക്കിഴങ്ങ് കഷായം ഉണ്ടാക്കിയതും കഴിക്കാം .25 ഗ്രാം മുത്തങ്ങ 200 മില്ലി വെള്ളത്തിൽ തിളപ്പിച്ച് 50 മില്ലിയാക്കി വറ്റിച്ച് 25 മില്ലി വീതം രാവിലെയും വൈകിട്ടും ദിവസം രണ്ടുനേരം എന്ന കണക്കിൽ കഴിക്കണം .മുത്തങ്ങാക്കിഴങ്ങ് പാലിൽ കാച്ചി കഴിക്കുന്നത് വിരശല്ല്യം മാറാൻ ഉത്തമമാണ് .പപ്പായയുടെ വിത്തും മുത്തങ്ങയും ഒരേ അളവിൽ അരച്ച് 2 ഗ്രാം വീതം രാവിലെ വെറുംവയറ്റിൽ 10 ദിവസം തുടച്ചയായി കഴിച്ചാൽ വിരശല്യം ,മലദ്വാരത്തിലെ ചൊറിച്ചിൽ ,ഓക്കാനം ,വിശപ്പില്ലായ്‌മ തുടങ്ങിയവ മാറിക്കിട്ടും .

ALSO READ : ദന്തപ്പാല എണ്ണ എല്ലാ ത്വക്ക് രോഗങ്ങൾക്കും ഔഷധം .

മുത്തങ്ങാക്കിഴങ്ങ് പാലിൽ കാച്ചി കഴിക്കുന്നത് വയറുകടിക്കും നല്ലതാണ് .മുത്തങ്ങാക്കിഴങ്ങ് അരച്ച് ശരീരത്തിൽ പതിവായി തേച്ചുകുളിച്ചാൽ വിയർപ്പുനാറ്റം മാറിക്കിട്ടും .മുത്തങ്ങാക്കിഴങ്ങും വെളുത്തുള്ളിയും ചതച്ചിട്ട് വെള്ളം തിളപ്പിച്ച് ദിവസം പലപ്രാവിശ്യമായി കുടിക്കുന്നത് വയറിളക്കത്തിന് ഉത്തമമാണ് .മുത്തങ്ങാക്കിഴങ്ങും ഇഞ്ചിയും സമാസമം അരച്ച് തേനിൽ ചേർത്ത് കഴിക്കുന്നതും വിരശല്ല്യം മാറാൻ ഉത്തമമാണ് .മുത്തങ്ങ അരച്ച് പാലിൽ ചേർത്ത് കഴിക്കുന്നത് പനിക്ക് നല്ലതാണ് .കുഞ്ഞുങ്ങൾക്ക് മലത്തോടൊപ്പം രക്തം പോകുന്നതിന് മുത്തങ്ങ ഉണക്കിപ്പൊടിച്ച് മുലപ്പാലിൽ ചേർത്ത് കൊടുത്താൽ മതിയാകും .മുത്തങ്ങാക്കിഴങ്ങ് 2 ഗ്രാം വീതം അരച്ച് ഇഞ്ചി നീരിൽ ചേർത്ത് കഴിച്ചാൽ ദഹനക്കേട് മാറിക്കിട്ടും .മുത്തങ്ങാക്കിഴങ്ങ് മോരിൽ കാച്ചി കുട്ടികൾക്ക് കൊടുക്കുന്നത് അവരുടെ ദഹനക്കേട് മാറാൻ നല്ലതാണ് .

മുത്തങ്ങാക്കിഴങ്ങ് മോരിൽ അരച്ച് പുരട്ടിയാൽ കഴുത്തിന് ഉണ്ടാകുന്ന കുരുക്കൾ മാറിക്കിട്ടും .മുത്തങ്ങ ഉണക്കിപ്പൊടിച്ചത് 3 ഗ്രാം പൊടി പാലിൽ ചേർത്ത് കാച്ചി ദിവസം 3 നേരം എന്ന കണക്കിൽ കഴിക്കുന്നത് ഐബിഎസിന് (ഇറിറ്റബിള്‍ ബവല്‍ സിന്‍ഡ്രോം) നല്ലതാണ് .മുത്തങ്ങ ഉണക്കിപ്പൊടിച്ചത് ഒരു സ്പൂൺ പൊടി 2 കപ്പ് വെള്ളത്തിൽ തിളപ്പിച്ച് ഒരു കപ്പാക്കി വറ്റിച്ച് അരിച്ചെടുക്കുന്ന കഷായത്തിൽ ഒരു നുള്ള് ചുക്കുപൊടിയും ചേർത്ത് കഴിക്കുന്നത് ഗ്യാസ്ട്രൈറ്റിസ് അഥവാ ആമാശയവീക്കത്തിന് നല്ലതാണ് .മുത്തങ്ങയുടെ ആരും മൊരിയും കളഞ്ഞ് വൃത്തിയാക്കി ഉണക്കിപ്പൊടിച്ച് 3 മുതൽ 6 ഗ്രാം വരെ പൊടി പാലിൽ കാച്ചി പതിവായി കഴിക്കുന്നത് ബുദ്ധിശക്തിക്കും ഓർമ്മശക്തിക്കും യൗവനം നിലനിർത്തുന്നതിനും നല്ലതാണ് .അല്‍ഷിമേഴ്സ് പോലുള്ള രോഗങ്ങൾക്കും നല്ലതാണ് .

തടി കൂട്ടാനായി മുത്തങ്ങാക്കിഴങ്ങ് ശർക്കരയിൽ ചേർത്ത് പതിവായി കഴിക്കുന്നത് നല്ലതാണ് .പുരുഷന്മാരിലെ ഉദ്ധാരണക്കുറവിനും ലൈംഗികശേഷിക്കും മുത്തങ്ങാക്കിഴങ്ങ് പാലിൽ കാച്ചി പതിവായി കഴിക്കുന്നത് നല്ലതാണ് .മുത്തങ്ങയും ഇഞ്ചിയും സമാസമം അരച്ച് തേൻ ചേർത്ത് കഴിക്കുന്നത് മൂലക്കുരുവിന് നല്ലതാണ് .മുത്തങ്ങ ഉണക്കിപ്പൊടിച്ച് കൽക്കണ്ടം ചേർത്ത് കഴിക്കുന്നത് ചുമ മാറാൻ നല്ലതാണ് .മുത്തങ്ങാക്കിഴങ്ങ് ,ഇരുവേലി ,കുറുന്തോട്ടി വേര് ,ചുക്ക് ,കുരുമുളക് എന്നിവ 5 ഗ്രാം വീതം ഒന്നര ലിറ്റർ വെള്ളത്തിൽ തിളപ്പിച്ച് 400 മില്ലിയാക്കി വറ്റിച്ച് 100 മില്ലി വീതം ദിവസം 3 നേരം എന്ന കണക്കിൽ കഴിച്ചാൽ ചുമയും കഫക്കെട്ടും മാറിക്കിട്ടും . മുത്തങ്ങയും പർപ്പടകപ്പുല്ലും ചേർത്തുണ്ടാക്കുന്ന കഷായം പനിക്ക് വിശേഷപ്പെട്ട ഔഷധമാണ് .മുസ്ത പര്‍പ്പടകം ജ്വരേ എന്നാണ് ആയുർവേദത്തിലെ പ്രമാണം .

മുത്തങ്ങ, പര്‍പ്പടകപ്പുല്ല് , ഇരുവേരലി, രാമച്ചം, ചുക്ക്, ചന്ദനം എന്നിവ ഇട്ട് വെള്ളം തിളപ്പിച്ച് കുടിക്കുന്നത് പനി മാറാനും പനി വരാതിരിക്കാനും നല്ലതാണ് .ഒന്നോ രണ്ടോ മുത്തങ്ങ ചതച്ച് ഒരു ഗ്ലാസ് വെള്ളത്തിൽ തിളപ്പിച്ച് കുടിക്കുന്നത് കുട്ടികൾക്കും മുതിർന്നവർക്കും ഉണ്ടാകുന്ന പനി മാറാൻ നല്ലതാണ് .

മുത്തങ്ങ അരിക്കാടിയിൽ അരച്ച് കുട്ടികളുടെ പൊക്കിളിന് ചുറ്റും പുരട്ടിയാൽ കുട്ടികളുടെ മൂത്രതടസ്സം മാറിക്കിട്ടും .മുത്തങ്ങ ,ചിറ്റമൃത് ,മരമഞ്ഞൾ ,എന്നിവ ഒരേ അളവിൽ അരച്ച് പുരട്ടുന്നത് കരപ്പൻ പോലെയുള്ള രോഗങ്ങൾക്ക് നല്ലതാണ് .മുത്തങ്ങ അരച്ച് പുറമെ പുരട്ടുന്നത് ചതവ് ,വീക്കം എന്നിവയ്ക്ക് നല്ലതാണ് .മുത്തങ്ങ പാലിൽ അരച്ച് പുരട്ടുന്നത് ചർമ്മത്തിന്റെ നിറം വർധിപ്പിക്കാൻ നല്ലതാണ് .കൂടാതെ ചൊറി ,കുരു ,കറുത്ത പാടുകൾ എന്നിവയ്ക്കും നല്ലതാണ് .

മുത്തങ്ങാക്കിഴങ്ങ് ,കൂവളത്തിൻ വേര് ,ജീരകം ,ചുക്ക് എന്നിവ തുല്ല്യ അളവിൽ പൊടിച്ച് 15 ഗ്രാം വീതം ശർക്കരയിൽ ചേർത്ത് ആടുകൾക്ക് കൊടുക്കുന്നത് അവയുടെ വയറുകടി മാറാൻ ഉത്തമമാണ് .