ഒരിലത്താമര ഔഷധഗുണങ്ങൾ

കേരളത്തിൽ കളയായി വളരുന്ന ഒരു ഔഷധസസ്യമാണ്  ഒരിലത്താമര. ഇതിനെ  നിലത്താമര, കരത്താമര, കൽതാമര എന്നീ പേരുകളിലും  അറിയപ്പെടും .സംസ്‌കൃതത്തിൽ അംബൂരുക, പത്മചാരിണീ, അവിഥാ, ലക്ഷ്മി ശ്രേഷ്ഠാ, ശാരദാ, അതിചരാ തുടങ്ങിയ പേരുകളിൽ അറിയപ്പെടും .

Botanical name - Nervilia aragoana

Family - Orchidaceae (Orchid family)

Synonyms - Nervilia simplex , Nervilia crociformis, Nervilia crispata, Nervilia bollei

Common name - Trembling Nervilia ,Simple Nervilia

Malayalam - Nilathaamara, Orilathaamara

ആവാസമേഖല .

കേരളത്തിലുടനീളം കാണപ്പെടുന്ന ഒരു കളസസ്യമാണ്  ഒരിലത്താമര  .പശ്ചിമഘട്ടത്തിലെ മലനിരകളിൽ ഈ സസ്യം ധാരാളമായി കാണപ്പെടുന്നു .കൂടാതെ ഇൻഡോനേഷ്യ ,മ്യാന്മാർ ,മലേഷ്യ ,ആസ്‌ത്രേലിയ തുടങ്ങിയ രാജ്യങ്ങളിലും ഈ സസ്യം കാണപ്പെടുന്നു .

സസ്യവിവരണം .

15 സെമി പൊക്കമുള്ളതും മുരടിച്ച രൂപത്തിൽ ഒരില മാത്രമായി വളരുന്ന ഒരിലത്താമര ഓർക്കിഡ് വിഭാഗത്തിൽ പെട്ട ഒരു ഔഷധിയാണ്. ഒരില മാത്രമേ ഈ സസ്യത്തിനുണ്ടാകു. ഇതാണ് ഈ ചെടിയുടെ ഏറ്റവും വലിയ പ്രത്യേകത. ഇതിന്റെ ഇലകൾ ചെറുതും വൃത്താകൃതിയിലും കാണപ്പെടുന്നു .

കാലവർഷം തുടങ്ങി ജൂൺ പകുതി ആകുന്നതോടെ നേർത്ത ദുർബലമായ തണ്ടുകളോടെ പിങ്ക് നിറത്തിലുള്ള പൂക്കളുമായി ഒരിലത്താമര  മുളച്ച്  വരുന്നു .ഏതാണ്ട് ഒരാഴ്ച കഴിയുമ്പോൾ പൂവും തണ്ടും വാടി കരിഞ്ഞു പോകുകയും അതിനു ശേഷം ചെറിയ താമര ഇലയുടെ രൂപത്തിലുള്ള ഇലകൾ നിലം പറ്റി വളരും .

വെറും നാലുമാസം മാത്രമാണ് ഒരിലത്താമരയുടെ ജീവിതചക്രം.ഒക്ടോബർ പകുതിയോടെ  ഇവ കരിഞ്ഞുണങ്ങി മണ്ണിലേക്കു മടങ്ങി ജീവിതചക്രം പൂർത്തിയാക്കും.വീണ്ടും അടുത്തവർഷം ജൂൺ പകുതിയോടെ മണ്ണിലടിയിലുള്ള ഇതിന്റെ കിഴങ്ങിൽ നിന്നും വീണ്ടും കിളിർത്തു വരുന്നു .

ഓരിലത്താമര  എന്നു പേരുഉള്ള വേറൊരു സസ്യം കൂടിയുണ്ട് . അതിന്റെ ശാസ്ത്രനാമം ionidium suffruticosum എന്നാണ് . ഇത് ധാരാളം ശാഖകളുള്ള ഒരു ചെറിയ സസ്യമാണ് . ഇവിടെ വിവരിക്കുന്നത് ഒരില താമര എന്ന സസ്യത്തെ കുറിച്ചാണ് .

ഔഷധഗുണങ്ങൾ .

മൂത്രക്കല്ല് ,നേത്രരോഗങ്ങൾ ,ത്വക് രോഗങ്ങൾ തുടിങ്ങിയവയ്ക്ക് ഓരിലത്താമര പ്രധാനമായി ഔഷധമായി ഉപയോഗിക്കുന്നു .വൃക്കരോഗങ്ങൾക്കും ,മാരകമായ ത്വക് രോഗങ്ങൾക്കും ഉള്ള  വളരെ ശക്തിയേറിയ  ഔഷധം ഒരിലത്താമരയുടെ കിഴങ്ങിൽ നിന്നും വൈദ്യന്മാർ തയാറാക്കുന്നു. 

പുരുഷന്മാരിലെ ബീജക്കുറവ് പരിഹരിക്കുന്നതിനും ഒരിലത്താമര വളരെ നല്ലൊരു ഔഷധമാണ്‌ .തലയിലെ താരൻ ഇല്ലാതാക്കുന്നു ,തേൾ വിഷം ശമിപ്പിക്കുന്നു ,മൂത്രക്കല്ല് ഇല്ലാതാക്കുന്നു ,മൂത്രം വർദ്ധിപ്പിക്കുന്നു ,കണ്ണിനുണ്ടാകുന്ന ചെറിയതരം രോഗങ്ങൾ ഇല്ലാതാക്കുന്നു.

രസാദിഗുണങ്ങൾ .

രസം -തിക്തം ,കടു 

ഗുണം -ലഘു, സ്നിഗ്ധം

വീര്യം -ഉഷ്‌ണം 

വിപാകം -കടു 

ഔഷധയോഗ്യഭാഗം - സമൂലം 

ചില ഔഷധപ്രയോഗങ്ങൾ .

മൂത്രതടസ്സം മാറുന്നതിന് .

ഒരിലത്താമരയുടെ കിഴങ്ങ് അരച്ച് ഇളനീരിൽ ചേർത്ത് കഴിച്ചാൽ മൂത്രതടസ്സം മാറും.

തലയിലെ താരൻ കളയാൻ .

ഒരിലത്താമര ഇടിച്ചുപിഴിഞ്ഞ നീര് തലയിൽ താളിയായി ഉപയോഗിച്ചാൽ തലയിലെ താരൻ പൂർണ്ണമായും മാറും.

കണ്ണിലെ ചൊറിച്ചിൽ മാറ്റാൻ .

ഒരിലത്താമര സമൂലം കഴുകി വൃത്തിയാക്കി ചതച്ച് വെള്ളത്തിലിട്ട് പിഴിഞ്ഞ്  അരിച്ച  വെള്ളം കൊണ്ട്  ദിവസം പലപ്രാവശ്യം കണ്ണിലൊഴിച്ചു നിർത്തിയാൽ കണ്ണിലുണ്ടാകുന്ന ചുവപ്പ് ,ചൊറിച്ചിൽ ,കൺപോളകളിലുണ്ടാകുന്ന വേദന ,നീര്  തുടങ്ങിയവ മാറും .

കരൾ വീക്കത്തിന് .

ഒരിലത്താമരയുടെ കിഴങ്ങ് അരച്ച് ഒരു നെല്ലിക്ക വലുപ്പത്തിൽ രാവിലെ കറന്നയുടനെയുള്ള  പശുവിൻ പാലിൽ ചേർത്ത് കുറച്ചു ദിവസം പതിവായി കഴിച്ചാൽ കരൾ വീക്കം മാറും.

മാറിടത്തിന് വലുപ്പം കൂട്ടാൻ .

ഒരിലത്താമരയുടെ കിഴങ്ങ് ,പാൽമുതുക്കിൻ കിഴങ്ങ്,ശതാവരി കിഴങ്ങ്,അടപതിയൻ കിഴങ്ങ് എന്നിവ പാൽകഷായം വച്ച് പതിവായി കഴിച്ചാൽ സ്ത്രീകളുടെ  സ്തനവും നിതംബവും വലിപ്പം വയ്ക്കും.

മാനസികരോഗത്തിന് .

തേനും ,ചെറു കറുകയുടെ നീരും ഒരേ അളവിൽ എടുത്ത് ഒരിലത്താമരയുടെ കിഴങ്ങും സോമലതയും അരച്ച് ചേർത്ത് വലിയ കടലാടിയുടെ വിത്ത് പൊടിച്ചതും ചേർത്ത് കഴിച്ചാൽ മാനസികരോഗം ശമിക്കും.

പൊക്കിളിന് ചുറ്റുമുണ്ടാകുന്ന വേദന മാറാൻ .

ഒരിലത്താമരയുടെ ഇല അരച്ച് പുരട്ടിയാൽ പൊക്കിളിന് ചുറ്റുമുണ്ടാകുന്ന വേദന മാറും.

വിട്ടുമാറാത്ത തലവേദന .

ഒരിലത്താമരയുടെ ഇല അരച്ച് നെറ്റിയിൽ പുരട്ടിയാൽ വിട്ടുമാറാത്ത തലവേദന ശമിക്കും.

അസ്ഥിസ്രാവം മാറാൻ .

ഒരിലത്താമരയുടെ കിഴങ്ങും ,ശതാവരിയുടെ കിഴങ്ങും ,നിലപ്പനകിഴങ്ങും എന്നിവ അരച്ച് പാലിൽ ചേർത്ത് കുറച്ചുദിവസം പതിവായി കഴിച്ചാൽ അസ്ഥിസ്രാവം മാറും.

പ്രമേഹം കുറയ്ക്കാൻ .

 ഒരിലത്താമരയുടെ കിഴങ്ങും ,ഇലയും അരച്ച് പാലിൽ ചേർത്ത് കഴിച്ചാൽ പ്രമേഹം ശമിക്കും .

കിഡ്നി സ്റ്റോൺ മാറാൻ .

ഒരിലത്താമരയുടെ ഒരു കിഴങ്ങ് വീതം രാവിലെ വെറുംവയറ്റിൽ 10 ദിവസം തുടർച്ചയായി കഴിച്ചാൽ   കിഡ്നി സ്റ്റോൺ മാറും.

കുടവയർ കുറയ്ക്കാൻ .

ഒരിലത്താമര സമൂലം ഉണക്കിപ്പൊടിച്ചു ദിവസവും ഒരു ടീസ്പൂൺ വീതം കഴിച്ചാൽ കുടവയർ കുറയും

മുലപ്പാൽ വർദ്ധിപ്പിക്കാൻ .

ഒരിലത്താമരയുടെ കിഴങ്ങും ,ഇലയും അരച്ച്  ശുദ്ധമായ പാലിൽ ചേർത്ത് കഴിച്ചാൽ മുലപ്പാൽ വർദ്ധിക്കും.

പുരുഷന്മാരുടെ സ്പേം കൗണ്ട് കൂട്ടാൻ. 

ഒരിലത്താമരയുടെ കിഴങ്ങ് അരച്ച് പാലിൽ ചേർത്ത് പതിവായി കുടിച്ചാൽ പുരുഷന്മാരുടെ സ്പേം കൗണ്ട് കൂടും .

ശരീരത്തിൽ അനുഭവപ്പെടുന്ന അമിതമായ ചൂട്  ഇല്ലാതാക്കാൻ .

ഒരിലത്താമര സമൂലം (മൊത്തമായും )കഷായം വച്ച് കഴിച്ചാൽ ശരീരത്തിൽ അനുഭവപ്പെടുന്ന അമിതമായ ചൂട് ഇല്ലാതാകും .