ഉങ്ങ് ഔഷധഗുണങ്ങൾ

ഉഷ്ണമേഖലാ വനങ്ങളിൽ കണ്ടുവരുന്ന ഒരു വൃക്ഷമാണ് ഉങ്ങ് . കേരളത്തിൽ ഇതിനെ പുങ്ങ് ,പൊങ്ങ്, പുങ്ക്  എന്നീ പേരുകളിലും അറിയപ്പെടുന്നു .സംസ്‌കൃതത്തിൽ കരഞ്ജ എന്ന പേരിലാണ് ഈ വൃക്ഷം അറിയപ്പെടുന്നത് . 

Binomial name : Pongamia pinnata

Family : Fabaceae (pea family)

Synonyms : Millettia pinnata, Pongamia glabra, Derris indica, Cytisus pinnatus

Common name : Indian beech, Pongame oil tree ,  hongay oil tree 

Malayalam : Ungu,Pungu, Pongam,Pongu

Tamil :  Aciruntam, Akirantam, Alam,  Ilanchi,  Kanchanam,  Karancham,  Kentitam,  Kiranca maram,  Kolliyam,  Nakuttam, Nanantam

Telugu : Kaadeputhige,  Kaanuga chettu,Kaggera,  Krovi, Vyaaghranakamu

Kannada :  Honge mara, Huligili mara, Karanja

Bengali : Karanja, Karamaja

Hindi :  Kalinga, Karanj,  Naktmal, Papar

Gujarati : Kanajhi, Karanja

Punjabi : Sukhchain

Rajasthani : Karanj

Sanskrit : Baddhaphala, Chirabilva, Chitti, Dhvankshavalli, Hasticharini, Hastikaranja,  Hastirohanaka, Kalikara, Karaja, Karanja

ആവാസമേഖല .

ഇന്ത്യ ,ശ്രീലങ്ക ,മ്യാന്മാർ ,പാകിസ്ഥാൻ ,ബംഗ്ലാദേശ് ,ഫിജി ,ആസ്‌ത്രേലിയ ,മലയ എന്നീ രാജ്യങ്ങളിൽ ഉങ്ങ് കാണപ്പെടുന്നു . ഇന്ത്യയിൽ എല്ലാ സ്ഥലങ്ങളിലും ഇത് കാണപ്പെടുന്നു. നദികളുടെയും അരുവികളുടെയും തീരത്ത് ഈ വൃക്ഷം സമൃദ്ധമായി വളരുന്നു . കേരളത്തിൽ ചില സ്ഥലങ്ങളിൽ തണൽ മരങ്ങളായി റോഡരികിൽ ഈ മരം നട്ടു പിടിപ്പിച്ചിട്ടുണ്ട് .ഇതിന്റെ ഇലകൾക്ക് അന്തിരീക്ഷത്തിലെ മാലിന്യങ്ങളെ ആഗിരണം ചെയ്യാനുള്ള കഴിവുണ്ട് . അന്തിരീക്ഷ മലിനീകരണം കുറയ്ക്കാൻ വേണ്ടിയാണ് ഇതിനെ തണൽമരമായി നട്ടുവളർത്തുന്നത് .

രൂപവിവരണം .

ഏകദേശം 20 മീറ്റർ ഉയരത്തിൽ വളരുന്ന ഒരു വൃക്ഷമാണ് ഉങ്ങ് . ശാഖോപശാഖകളായി പടർന്ന്‌ പന്തലിച്ചു വളരുന്ന ഒരു ഇടത്തരം വൃക്ഷം . ഇതിന്റെ മരപ്പട്ടയ്ക്ക് ചാരനിറമാണ് .ഇതിൽ തവിട്ടുനിറമുള്ള പുള്ളികൾ കാണപ്പെടുന്നു . ഇവയുടെ തൊലിക്ക് കയ്പ്പുരസമാണ് . നല്ല പച്ച നിറത്തിലുളള ഇലകൾ ഒരു തണ്ടിൽ 5 -7 വരെ കാണും . മാർച്ച് -മെയ് മാസങ്ങളിലാണ് പൂക്കാലം . മരം തളിർത്തതിന് ശേഷമാണ് പൂക്കുന്നത് . കുലകളായി വിരിയുന്ന പൂക്കൾക്ക് നീലനിറമാണ് . ഇതിന്റെ ഫലത്തിന് കട്ടിയുള്ള പുറംതോടുണ്ട് .ഫലത്തിനുള്ളിൽ ഒരു വിത്ത് കാണപ്പെടുന്നു .ഈ വിത്തിൽ ധാരാളം എണ്ണ അടങ്ങിയിട്ടുണ്ട് .

രാസഘടകങ്ങൾ .

മരത്തിന്റെ തൊലിയിൽ കയ്പുരസമുള്ള ഒരു ആൽക്കലോയിഡ് അടങ്ങിയിരിക്കുന്നു . വേരിന്റെ പുറംതൊലിയിൽ കനുഗീൻ ,ഡൈമെതോക്സി കനുഗീൻ എന്നീ രണ്ടു ഘടകങ്ങൾ അടങ്ങിയിരിക്കുന്നു .പൂക്കളിൽ പൊൻഗാമിൻ , കർസൈറ്റിൻ എന്നീ ഘടകങ്ങൾ അടങ്ങിയിരിക്കുന്നു . ഇതിന്റെ വിത്തിൽ കയ്പ്പുള്ള ഇരുണ്ട നിറത്തോടുകൂടിയ ഒരു തൈലം അടങ്ങിയിട്ടുണ്ട് .ഈ തൈലത്തിൽ കരാൻജിൻ ,പൊൻഗാമോൾ  ,ഗ്ളാബ്രിൻ എന്നീ സ്പടിക പതാർഥങ്ങൾ അടങ്ങിയിരിക്കുന്നു .

ഉങ്ങിൻറെ ഉപയോഗം .

ഉങ്ങിന്റെ തടിക്ക് വെള്ളയും കാതലുമുണ്ട് .തടിക്ക് ഈട് വളരെ കുറവാണ് .അതിനാൽ ഫർണിച്ചർ നിർമ്മാണത്തിന് ഉപയോഗിക്കാൻ കഴിയില്ല .നല്ലൊരു ഔഷധ വൃക്ഷമാണ് ഉങ്ങ് .ഉങ്ങ് നിൽക്കുന്ന ഭാഗത്ത് എലികൾ വരാറില്ല .

ഔഷധഗുണങ്ങൾ .

ത്വക്ക് രോഗങ്ങൾക്ക് വളരെ ഫലപ്രദമായ ഒരു ഔഷധമാണ് ഉങ്ങ് .ആമവാതം ,സന്ധിവാതം ,വ്രണങ്ങൾ ,കുഷ്ഠം ,താരൻ ,കഷണ്ടി ,രക്താർശ്സ്സ് ,രക്തശുദ്ധി , തൊലിപ്പുറത്തെ ചൊറിച്ചിൽ എന്നിവയ്ക്ക് ഒരു ഉത്തമ പ്രതിവിധി.വജ്രതൈലത്തിലും ,മഹാവജ്രതൈലത്തിലും  ഉങ്ങിന്റെ തൊലി ഒരു ചേരുവയാണ് .കൂടാതെ വില്വാദി ഗുളിക, പാഠകരഞ്ജാദി കഷായം ,മുസ്‌താകരഞ്ജാദി കഷായം എന്നിവയിലെ ഒരു പ്രധാന ചേരുവ കൂടിയാണ് ഉങ്ങ് .

ഔഷധയോഗ്യഭാഗങ്ങൾ - ഇല ,തൊലി ,വിത്ത് ,എണ്ണ ,വേര് .

രസാദി ഗുണങ്ങൾ .

രസം - തിക്തം ,കടു ,കഷായം 

ഗുണം - ലഘു ,തീഷ്‌ണം ,സ്‌നിഗ്ധം

വീര്യം - ഉഷ്‌ണം 

വിപാകം -  കടു  

ചില ഔഷധപ്രയോഗങ്ങൾ .

ആമവാതം ,സന്ധിവാതം .

ഉങ്ങിന്റെ ഇല കഷായം വച്ച് പതിവായി കഴിച്ചാൽ ആമവാതം ,സന്ധിവാതം എന്നിവ ശമിക്കും .

രക്താർശസ്സ് .

ഉങ്ങിന്റെ വേര് ഗോമൂത്രത്തിൽ അരച്ച് കഴിക്കുകയും . അതോടൊപ്പം തന്നെ അതെ അളവിൽ മോര് കുടിക്കുകയും ചെയ്താൽ രക്താർശസ്സ് ശമിക്കും . ഉങ്ങിന്‍റെ തളിരില ചെറുതായി അരിഞ്ഞ്   ചെറിയ ഉള്ളിയും  തിരുമ്മിയ തേങ്ങയും ചേര്‍ത്ത് തോരന്‍ വെച്ച് ദിവസവും  കഴിച്ചാല്‍ അര്‍ശസ്സ്  വളരെ പെട്ടന്ന് മാറും . ഉങ്ങിന്റെ വേര് കഷായം വച്ചു കഴിച്ചാലും  അര്‍ശസ്സ് ശമിക്കും. ഉങ്ങിന്റെ തൊലി അരച്ച് പതിവായി കഴിച്ചാലും രക്താർശസ്സ് ശമിക്കും .

താരൻ ഇല്ലാതാക്കാൻ .

ഉങ്ങിന്റെ വിത്തിൽ നിന്നും എടുക്കുന്ന എണ്ണയിൽ അതെ അളവിൽ വെളിച്ചണ്ണയും ചേർത്ത് കുറച്ചുദിവസം പതിവായി തലയിൽ തേച്ചാൽ തലയിലെ താരൻ പൂർണ്ണമായും മാറിക്കിട്ടും .

കഷണ്ടി മാറാൻ .

ഉങ്ങിന്റെ പൂവ് അരച്ച് കട്ടിക്ക് തലയിൽ പതിവായി പുരട്ടിയാൽ കഷണ്ടിയിൽ മുടി കിളിർക്കും .

വ്രണങ്ങൾ .

ഉങ്ങിന്റെ വേര് ഇടിച്ചുപിഴിഞ്ഞ നീരിൽ വേപ്പിലയും ,കരിനൊച്ചിയിലയും അരച്ചു ചേർത്ത് വ്രണങ്ങളിൽ പുരട്ടിയാൽ എത്ര  പഴകിയ വ്രണങ്ങളും പെട്ടന്ന് കരിയും . ഉങ്ങിന്റെ ഇല അരച്ചു പുരട്ടിയാലും വ്രണങ്ങൾ പെട്ടന്ന് കരിയും.

കുഷ്ഠം.

ഉങ്ങിന്റെ ഇല ,ചെത്തിക്കൊടിവേലി  വേര് എന്നിവ ഇന്തുപ്പും ചേർത്തരച്ച് മോരിൽ കലർത്തി പതിവായി കഴിച്ചാൽ  കുഷ്ഠം. ശമിക്കും .

മാലക്കണ്ണിന് .

ഉങ്ങിന്റെ കുരു മോരിലരച്ച് പതിവായി കണ്ണിലെഴുതിയാൽ മാലക്കണ്ണിന് ഉത്തമമാണ് .

സോറിയാസിസ്. 

ഉങ്ങിന്‍റെ ഇല  അരിഞ്ഞ്  വെളിച്ചെണ്ണയില്‍ ഇട്ട് സൂര്യപ്രകാശത്തില്‍ ചൂടാക്കി. ഈ എണ്ണ പതിവായി പുറമെ പുരട്ടിയാൽ സോറിയാസിസ് മാറും .ഉങ്ങിന്റെ കുരുവിൽ  നിന്നും എടുക്കുന്ന എണ്ണ പുറമെ പുരട്ടിയാൽ എല്ലാ ത്വക് രോഗങ്ങളും ശമിക്കും.

കൃമിശല്യം .

ഉങ്ങിന്റെ ഇലയുടെ നീര് കഴിച്ചാൽ വയറ്റിലെ കൃമികൾ ഇല്ലാതാകും .

ചൂടുകുരു മാറാൻ .

ഉങ്ങിന്റെ ഇലയിട്ട് തിളപ്പിച്ച വെള്ളത്തിൽ കുളിച്ചാൽ ചൂടുകുരു മാറിക്കിട്ടും .

അമിത വണ്ണം കുറയ്ക്കാൻ .

ഉങ്ങിന്റെ വേര് കഷായം വച്ച് പതിവായി കഴിക്കുകയും .മാംസം ,പഞ്ചസാര എന്നിവ ഒഴിവാക്കുകയും ചെയ്താൽ പൊണ്ണത്തടി കുറയും .

പ്രമേഹം ശമിക്കാൻ .

ഉങ്ങിന്റെ പൂവ് അരച്ച് തേനിൽ ചാലിച്ച് പതിവായി കഴിച്ചാൽ പ്രമേഹം ശമിക്കും .

നല്ല ശോധന ലഭിക്കാൻ .

ഉങ്ങിന്റെ തളിരില അരച്ച് ഒരു നെല്ലിക്ക വലുപ്പത്തിൽ രാത്രിയിൽ കിടക്കാൻ നേരം കഴിച്ചാൽ നല്ല ശോധനയുണ്ടാകും .

സന്ധിവേദന മാറാൻ .

ഉങ്ങിന്റെ വിത്തിൽ നിന്നും എടുക്കുന്ന എണ്ണയും ചെറുനാരങ്ങാനീരും ഒരേ അളവിൽ കലർത്തി പുറമെ പുരട്ടിയാൽ സന്ധിവേദന ,വാതവേദന തുടങ്ങിയവ മാറിക്കിട്ടും . തലയിലെ ചൊറിച്ചിൽ ഇല്ലാതാക്കുന്നതിനും ഇത് വളരെ ഫലപ്രദമാണ്‌ .