| Botanical name | Amherstia nobilis |
|---|---|
| Family | Caesalpiniaceae (Gulmohar family) |
| Common name | Pride of Burma Orchid tree Tree of heaven |
| Hindi |
सीमसपा (Simsapa) |
| Bengali | উর্বশী (Urbashi) |
| Telugu | శిమ్శిపా వృక్షం (Shimshripa vriksham) |
| Malayalam | ശിംശപാവൃക്ഷം(Shimshipavrisham) |
ഇന്ത്യ ,ശ്രീലങ്ക ,മലയ എന്നീ രാജ്യങ്ങളിൽ കാണപ്പെടുന്ന ഒരു അലങ്കാര വൃക്ഷമാണ് ശിംശപാവൃക്ഷം.പൂക്കളുടെ റാണി എന്നറിയപ്പെടുന്ന ഈ വൃക്ഷത്തിന്റെ ജന്മദേശം ബർമ്മയാണ് .ബർമയിലെ ഒരു ബുദ്ധ ക്ഷേത്ര ഉദ്യാനത്തിൽ നിന്നുമാണ് ഈ വൃക്ഷത്തെ ഗവേഷകർ ആദ്യമായി കണ്ടെത്തുന്നത് .
ഭാരതീയ പുരാണങ്ങളിൽ ഒട്ടനവധി പുണ്ണ്യ വൃക്ഷങ്ങളെ പരാമെർശിക്കപ്പെടുന്നുണ്ട് .ഇതിൽ ഏറ്റവും പ്രധാനപ്പെട്ട ഒന്നാണ് ശിംശപാവൃക്ഷം. രാവണനാൽ അപഹരിക്കപ്പെട്ട സീതാദേവിയെ അശോകവനികയിലുള്ള ശിംശപാവൃക്ഷത്തിന്റെ ചുവട്ടിലാണ് പാർപ്പിച്ചിരുന്നത് എന്ന് രാമായണത്തിൽ പരാമർശിക്കുന്നു .ബുദ്ധമതക്കാർക്കും ഇതൊരു പുണ്ണ്യ വൃക്ഷമാണ് .പുരാതന ബുദ്ധ ഗ്രന്ഥങ്ങളിലും ശിംശപാവൃക്ഷത്തെ പരാമർശിക്കുന്നുണ്ട് .
പൂക്കളുടെ മനോഹാരിതയാണ് മറ്റു മരങ്ങളിൽ നിന്നും ഈ വൃക്ഷത്തെ വ്യത്യസ്തമാക്കുന്നത് . ചുവപ്പ് ,മഞ്ഞ ,വെള്ള തുടങ്ങിയ നിറങ്ങളുടെ സങ്കരമായി കാണുന്ന ദളങ്ങളടങ്ങിയ പൂങ്കുലകൾ കാണാൻ വളരെ മനോഹരമാണ് . മാർച്ച് ,ഏപ്രിൽ മാസങ്ങളിലാണ് ഈ വൃക്ഷം പൂക്കുന്നത്. അധികം ഉയരം വയ്ക്കാത്ത ഒരു ഇടത്തരം വൃക്ഷമാണിത് . ഏകദേശം 12 മീറ്ററോളം ഉയരത്തിൽ മാത്രമാണ് ഈ വൃക്ഷം വളരുന്നത് . ധാരാളം ശാഖകളുമായി പടർന്നു വളരുന്ന ഈ വൃക്ഷത്തിന്റെ പുറം തൊലിക്ക് ഇരുണ്ട തവിട്ടു നിറമാണ് . നിത്യഹരിതമായ ഈ വൃക്ഷം കാടുകളിൽ വളരെ അപൂർവ്വമായേ കാണപ്പെടുന്നൊള്ളു .
നല്ല നീർവാർച്ച ഉള്ള മണ്ണിലാണ് ഈ മരം നന്നായി വളരുന്നത് .കേരളത്തിലെ കാലാവസ്ഥയിലും ഈ മരം നന്നായി വളരുമെങ്കിലും വളരെ അപൂർവ്വമായേ കാണപ്പെടുന്നൊള്ളു .തൈകളുടെ ലഭ്യതക്കുറവാണ് കാരണം .ഈ വൃക്ഷം പ്രധാനമായും ഉപയോഗിക്കുന്നത് അലങ്കാര വൃക്ഷമായിട്ടാണ് .ഇതിന്റെ തടിക്ക് ഈടും ബലവും വളരെ കുറവാണ് .ഒരു അലങ്കാര വൃക്ഷം എന്നതിലുപരി ഈ മരം കൊണ്ട് മറ്റു പ്രയോജനങ്ങൾ ഒന്നും തന്നെയില്ല .
