കഴഞ്ചി എല്ലാത്തരം പനിക്കും ഉത്തമ ഔഷധം

പനി,മലേറിയ ,ആർത്തവസംബന്ധമായ പ്രശ്നങ്ങൾ ,ന്യുമോണിയ, ത്വക്ക് രോഗങ്ങൾ, നീർവീക്കം, ക്ഷയം ,വൃക്ഷണവീക്കം തുടങ്ങിയവയുടെ ചികിൽത്സയിൽ ആയുർവേദത്തിൽ പരാമർശിച്ചിട്ടുള്ള ഒരു ഔഷധസസ്യമാണ് കഴഞ്ചി.മലയാളത്തിൽ ഇതിനെ ആറ്റുപരണ്ട , നീർപരണ്ട , കാക്കമുള്ള് തുടങ്ങിയ പേരുകളിലും അറിയപ്പെടും . ഇംഗ്ലീഷിൽ Crested fever nut , Fever nut , Bonduc nut , Molucca bean എന്നീ പേരുകളിലും അറിയപ്പെടുന്നു .സംസ്‌കൃതിതത്തിൽ കുബോരാക്ഷീ ,ലതാ കരഞ്ജഃ, ഘൃതകരഞ്ജഃ, ക്ഷീരിണീ തുടങ്ങിയ പേരുകളിലും അറിയപ്പെടുന്നു .

Botanical name - Caesalpinia crista

Family - Caesalpiniaceae (Gulmohar family)

Synonyms - Caesalpinia bonducella ,Caesalpinia nuga, Guilandina nuga

കഴഞ്ചി,കണഞ്ചി,കഴച്ചി,കഴഞ്ചി ചെടികളെ കുറിച്ചു അറിയാം,കഴറ്റി,കഴഞ്ചിക്കുരു,കല്ലൂർവഞ്ചി,ആറ്റു കല്ലൂർവഞ്ചി,കഴണി,മുടി കൊഴിച്ചിൽ,തൊണ്ട വരൾച്ച,കല്ലൂർവഞ്ഞി,പച്ച കർപൂരം മതി പണം കുതിച്ചു ഉയരും,കാക്കമുള്ള്,caesalpinia crista,caesalpinia bonducella,bonduc tree,grey nicker,fever nut,വൃഷ്ണ വീക്കം,ഗർഭാശയ മുഴ,ശരീരവേദന,നീര്,കഫ വാത വികാരങ്ങൾ,വിരേചനം,പനി,വായുകോപം,മന്ത്,മുഖക്കുരു,വെള്ളപോക്ക്,അപസ്മാരം,രക്ത സമ്മർദ്ദം,പക്ഷാഘാതം,മൂല രോഗങ്ങൾ

കഴഞ്ചി കാണപ്പെടുന്ന സ്ഥലങ്ങൾ .

ഉഷ്ണമേഖലാ പ്രദേശങ്ങളിലുള്ള കാടുകളിലും സമതലങ്ങളും കഴഞ്ചി വന്യമായി വളരുന്നു .ഇന്ത്യ ,ശ്രീലങ്ക ,മ്യാന്മാർ എന്നിവിടങ്ങളിൽ കഴഞ്ചി കാണപ്പെടുന്നു .കേരളത്തിൽ പാലക്കാട് ,ആലപ്പുഴ ,തിരുവനന്തപുരം ,തൃശൂർ ,ഇടുക്കി എന്നീ ജില്ലകളിൽ കഴഞ്ചി കാണപ്പെടുന്നു .

സസ്യവിവരണം .

ഇലകൾക്ക് 30 സെ.മിയിലധികം നീളമുണ്ടാകും .ഇലകൾ ഏകാന്തരമായി വിന്യസിച്ചിരിക്കുന്നു .ദ്വിപിച്ഛക സംയുക്തപത്രമാണ് .6 -8 ജോടി പിച്ഛകങ്ങളുണ്ട് .ഓരോ പിച്ഛകത്തിലും 12 -16 ജോടി പത്രകങ്ങൾ സമ്മുഖമായി വിന്യസിച്ചിരിക്കുന്നു .

ജൂലായ് -സെപ്റ്റംബർ മാസങ്ങളിലാണ് പൂക്കാലം .ഇവയുടെ പൂക്കൾക്ക് മഞ്ഞ നിറമാണ് .ബാഹ്യദളങ്ങൾ സംയുക്തം .അഞ്ചെണ്ണമുണ്ട് .ദളങ്ങൾ 5 .കേസരങ്ങൾ 10 .സെപ്റ്റംബർ-ജനുവരിയിൽ ഇവയുടെ ഫലം പാകമാകുന്നു .ഇവയുടെ ഫലം രണ്ട് വാൽവുകളുള്ള പോഡാണ് .ഫലത്തിന്റെ ഉപരിതലം രോമിലമാണ് .ഫലത്തിൽ മുള്ളുകളുണ്ട്‌ .ഒരു ഫലത്തിൽ ഒന്നു മുതൽ മൂന്ന് വിത്തുകൾ വരെ കാണും .

ഇവയുടെ കായകൾക്ക് എല്ലാം ഒരേ വലുപ്പമായിരിക്കും . വർഷങ്ങളോളം ഇവ കടൽ വെള്ളത്തിൽ നശിക്കാതെ കിടക്കും .കേരളത്തിലെ പഴയകാല തൂക്കമായ കഴഞ്ച് ഈ കായുടെ ഭാരമായിരുന്നു .ഇവയുടെ കായകൾ (കഴഞ്ചിക്കുരു ) കട്ടിയുള്ള പ്രദലത്തിൽ ഉരസിയാൽ നന്നായി ചൂടാകും .

കൂർത്ത കട്ടിയുള്ള മുള്ളുകളുള്ള സസ്യമായതിനാൽ കണ്ടകീകരഞ്ജഃ എന്നും .ഇതിന്റെ കുരുവിൽ ധാരാളം സ്നേഹാംശമുള്ളതുകൊണ്ട് ഘൃതകരഞ്ജഃ എന്നും സംസ്‌കൃതത്തിൽ ഈ സസ്യത്തിന് പേരുകളുണ്ട്

രാസഘടകങ്ങൾ .

കഴഞ്ചിയിൽ ബോൻഡുസിൻ എന്ന കയ്‌പ്പേറിയ ഒരു പതാർത്ഥം അടങ്ങിയിരിക്കുന്നു . ഇതിന്റെ വിത്തിന്റെ എണ്ണയിൽ പാൽമിറ്റിക് , ഒലിയോയിക് , സ്റ്റിയറിക് , ലിഗ്നോസെറിക് , ലിനോലെനിക് എന്നീ കൊഴുപ്പുകളും അടങ്ങിയിട്ടുണ്ട് .

കഴഞ്ചി ഔഷധഗുണങ്ങൾ .

അധോകായത്തിലെ നീരും വേദനയും അകറ്റാൻ ശക്തിയുള്ള തിക്തരസ പ്രധാനമായ ഈ ദ്രവ്യത്തെ ശുശ്രുതൻ അധോഭാഗരോഗഹര ദ്രവ്യങ്ങളുടെ ഗണത്തിൽ ഉൾപ്പെടുത്തിയിരിക്കുന്നു .

കഫ വാത രോഗങ്ങൾ ശമിപ്പിക്കുന്നു .കഫവാത ശമനമായതുകൊണ്ട് നീര് ,വേദന ,വൃക്ഷണവീക്കം എന്നിവ ശമിപ്പിക്കുന്നു .പൈത്തിക വികാരങ്ങൾ ഉത്തേജിപ്പിക്കുന്നതുകൊണ്ട് പചനശക്തി വർധിപ്പിക്കുകയും ഉദരകൃമിയെ നശിപ്പിക്കുകയും ചെയ്യുന്നു .ഇത് വിരേചനീയമാണ് .യകൃത് പ്ലീഹവികാരങ്ങൾ ശമിപ്പിക്കുകയും വ്രണരോണൗഷധമായി പ്രവർത്തിക്കുകയും ചെയ്യുന്നു .

കഴഞ്ചി മലേറിയയുടെ ചികിൽത്സയിൽ ഫലപ്രദമായ ഔഷധമായി ആയുർവേദത്തിൽ ഉപയോഗിക്കുന്നു .രോഗലക്ഷണങ്ങളായ കൂടിയ പനി ,വിറയൽ ,വിയർപ്പ് ,തലവേദന ,ഛർദ്ദി എന്നിവയെ നിയന്ത്രിക്കാൻ കഴഞ്ചി ഫലപ്രദമാണ് .

ഇത് ഉദരകൃമിയെ നശിപ്പിക്കുന്നു .ഉദരകൃമിയുടെ ആക്രമണവുമായി ബന്ധപ്പെട്ടുണ്ടാകുന്ന വിളർച്ച ,മലബന്ധം ,വയറിളക്കം ,ഛർദ്ദി ,ശാരീരക്ഷീണം എന്നിവ പരിഹരിക്കുന്നതിനും ഫലപ്രദമാണ് .

ഇതിൽ ആന്റി ഡയബറ്റിക് ഗുണങ്ങളുണ്ട് .ഇത് രക്തത്തിലെ പഞ്ചസാരയുടെ അളവ് ആരോഗ്യപരമായി നിലനിർത്താൻ സഹായിക്കുന്നു .പ്രമേഹം മൂലമുള്ള അമിത മൂത്രമൊഴിക്കൽ, അമിത ദാഹം ,ശരീരഭാരം കുറയുക ,മുറിവുകൾ ഉണങ്ങാൻ താമസിക്കുക ,കാഴ്ച്ചക്കുറവ് എന്നിവ പരിഹരിക്കുന്നതിനും ഈ സസ്യത്തിന്റെ ഉപയോഗം വളരെ ഫലപ്രദമാണ് .

പനിയുടെ ചികിൽത്സയിലും ഫലപ്രദമാണ് ഈ സസ്യം .ചുമ ,ശ്വാസതടസ്സം ,ന്യൂമോണിയ ,തുടങ്ങിയ ശ്വാസകോശ സംബന്ധമായ രോഗങ്ങൾക്കും ഫലപ്രദമാണ് .എക്സിമ, ചൊറി, സോറിയാസിസ്, കുഷ്ഠം തുടങ്ങിയ ചർമ്മരോഗങ്ങൾക്കും ഫലപ്രദമാണ് ഈ സസ്യം .

ഇത് ശരീര വേദനകൾക്ക് ആശ്വാസം നൽകുന്നു .ഓർമ്മശക്തി വർധിപ്പിക്കുന്നതിനും മാനസിക വൈകല്യങ്ങൾ പരിഹരിക്കുന്നതിനും ഈ സസ്യം ഫലപ്രദമാണ് .ഉത്കണ്ഠ, മാനസിക സമ്മർദ്ദം, ടെൻഷൻ, വിഷാദം എന്നിവ കുറയ്ക്കുന്നു .

ആർത്തവ പ്രശ്‍നങ്ങൾക്കും പരിഹാരമാണ് ഈ സസ്യം ,അമിത ആർത്തവം ,അല്പാര്‍ത്തവം,ആർത്തവ വേദന ,എന്നിവ ഇല്ലാതാക്കുന്നു .സ്ത്രീകളിലെ വെള്ളപോക്ക് ഇല്ലാതാക്കുന്നതിനും ഈ സസ്യം വളരെ ഫലപ്രദമാണ് .

ഇതിന്റെ കായകൾക്ക് മൂലക്കുരുവിനെ ശമിപ്പിക്കാനുള്ള കഴിവുണ്ട് .മൂത്രാശയ സംബന്ധമായ രോഗങ്ങക്കും ഫലപ്രദമാണ് .ഇലയുടെ പേസ്റ്റ് വേദനകളെ ശമിപ്പിക്കുന്നു .ഇത് വസൂരിയ്ക്കും ,മന്തിനും ഫലപ്രദമാണ് .കഴഞ്ചിക്കുരു ഓൺലൈൻ വാങ്ങാൻ കിട്ടും

രസാദിഗുണങ്ങൾ.

രസം : കടു, തിക്തം

ഗുണം : ലഘു , രൂക്ഷം , തീക്ഷ്ണം

വീര്യം : ഉഷ്ണം

വിപാകം : കടു

ഔഷധയോഗ്യഭാഗം

ഇല ,വേര് ,വിത്ത് , വിത്തിൽ നിന്നും എടുക്കുന്ന എണ്ണ .

പ്രാദേശിക നാമങ്ങൾ .

Common name-Crested fever nut , Fever nut , Bonduc nut , Molucca bean

Malayalam-Aattuparanda , Kakkamullu , Kazhanchi , Neerparanda

Hindi -Karanja , Katkaranja

Tamil - Nut-konrai

Telugu - Mulluthige

Kannada - Kiri gejjuga , Sanna gejjuga

Bengali-Bekamtanata , Kutumakamta

Gujarati-Kanchaki

Marathi - Ban-kareti

Sanskrit-Kantaki karanja

കഴഞ്ചി ചേരുവയുള്ള ഔഷധങ്ങൾ .

1. ധനദനയനാദി കഷായം

2. ആന്ത്രകുഠാരം ഗുളിക

3. ഹിമസാഗര തൈലം

4. അയസ്‌കൃതി

1. ധനദനയനാദി കഷായം ഉപയോഗങ്ങൾ .

വാതവ്യാതികളുടെ ചികിൽത്സയ്ക്ക് ഉപയോഗിക്കുന്ന ഒരു ആയുർവേദ ഔഷധമാണ് ധനദനയനാദി കഷായം.കഷായ രൂപത്തിലും ഗുളിക രൂപത്തിലും ഈ ഔഷധം ലഭ്യമാണ് .പക്ഷാഘാതം ,മുഖത്തെ പക്ഷാഘാതം .പാർക്കിൻസൺസ് തുടങ്ങിയ രോഗങ്ങളുടെ ചികിൽത്സയിൽ ധനദനയനാദി കഷായം ഉപയോഗിക്കുന്നു .

2. ആന്ത്രകുഠാരം ഗുളിക ഉപയോഗങ്ങൾ .

ഉദരസംബന്ധമായ രോഗങ്ങളുടെ ചികിൽത്സയിൽ ഉപയോഗിക്കുന്ന ഗുളിക രൂപത്തിലുള്ള ഒരു ആയുർവേദ ഔഷധമാണ് ആന്ത്രകുഠാരം ഗുളിക.വയറുവേദന ,മലബന്ധം ,ദഹനക്കേട് തുടങ്ങിയവയുടെ ചികിൽത്സയിൽ ഉപയോകിക്കുന്നു .കൂടാതെ ഹെർണിയ ,പൈൽസ് ,സ്ത്രീകളിലെ ആർത്തവവേദന തുടങ്ങിയവയുടെ ചികിൽത്സയിലും ആന്ത്രകുഠാരം ഗുളിക ഉപയോഗിക്കുന്നു .

3. ഹിമസാഗര തൈലം ഉപയോഗങ്ങൾ .

വളരെ പ്രശസ്തമായ ഒരു ആയുർവേദ എണ്ണയാണ് ഹിമസാഗര തൈലം.വിവിധ നാഡി പേശി രോഗങ്ങളിലും വാതസംബന്ധമായ രോഗങ്ങളിലെ വേദനയും പുകച്ചിലും കുറയ്ക്കാനും ഹിമസാഗര തൈലം ഫലപ്രദമായി ഉപയോഗിച്ചുവരുന്നു .ഈ എണ്ണ പുറമെ പുരട്ടുവാൻ മാത്രമാണ് ഉപയോഗിക്കുന്നത് .

വീഴ്ച്ച ,അമിത യാത്ര തുടങ്ങിയ കാരണങ്ങളാലുണ്ടാകുന്ന വേദനകളിലും ശരീരക്ഷീണങ്ങളിലും ഈ എണ്ണ ഫലപ്രദമാണ് .കഴുത്ത് ,തോള് എന്നിവിടങ്ങളിൽ ഉണ്ടാകുന്ന മരവിപ്പ് തുടങ്ങിയവയുടെ ചികിൽത്സയിലും ഹിമസാഗര തൈലം ഉപയോഗിക്കുന്നു .

കേശസംരക്ഷണത്തിനും മികച്ച ഒരു എണ്ണയാണ് ഹിമസാഗര തൈലം . ഇത് തലയിൽ പുരട്ടുന്നതിലൂടെ മുടിയുടെ ആരോഗ്യം മെച്ചപ്പെടുത്തുകയും മുടിവളർച്ചയെ പ്രോത്സാഹിപ്പിക്കുകയും അകാല നര തടയുകയും ചെയ്യുന്നു .

കുളിക്കുന്നതിന് അരമണിക്കൂർ മുമ്പായിട്ടാണ് ഈ എണ്ണ തലയിൽ തേയ്‌ക്കേണ്ടത് .അതിൽ കൂടുതൽ സമയം ഉപയോഗിച്ചാലും കുഴപ്പമില്ല എണ്ണയുടെ ഗുണം വർദ്ധിപ്പിക്കുകയെയൊള്ളു .ഈ എണ്ണ ഉപയോഗിക്കുമ്പോൾ തലയിൽ സോപ്പ് ഉപയോഗിക്കാൻ പാടില്ല പകരം ഹെർബൽ ഹെയർ വാഷ് പൊടികൾ ഉപയോഗിക്കുന്നതാണ് ഉത്തമം .

ഉറക്കക്കുറവ് ,മാനസിക രോഗങ്ങൾ ,അമിത കോപം,സംസാരപ്രശ്നങ്ങൾ തുടങ്ങിയ മാനസിക രോഗങ്ങളുടെ ചികിൽത്സയിലും തലയിൽ പുരട്ടുവാൻ ഹിമസാഗര തൈലം ഫലപ്രദമായി ഉപയോഗിച്ചുവരുന്നു .

ശിരോധാര ,ശിരോപിചു തുടങ്ങിയ ആയുർവേദ പഞ്ചകർമ്മ ചികിൽത്സകളിലും ഹിമസാഗര തൈലം ഉപയോഗിച്ചുവരുന്നു .കോട്ടയ്ക്കൽ ആര്യവൈദ്യശാല ,നാഗാർജ്ജുന ,ആര്യവൈദ്യ ഫാർമസി തുടങ്ങിയ കമ്പിനികളാണ് ഹിമസാഗര തൈലം നിർമ്മിക്കുന്നത് .

4. അയസ്‌കൃതി ഉപയോഗങ്ങൾ .

വിളർച്ച ,അമിതവണ്ണം ,ത്വക് രോഗങ്ങൾ തുടങ്ങിവയുടെ ചികിത്സയിൽ ഉപയോഗിക്കുന്ന ദ്രാവക രൂപത്തിലുള്ള ഒരു ആയുർവേദ ഔഷധമാണ് അയസ്‌കൃതി.കൂടാതെ മൂത്രാശയ തകരാറുകൾ ,രക്താർബുദം ,മൂലക്കുരു .വിരശല്ല്യം ,മലബന്ധം , ഗ്രഹണി ,പ്രമേഹം തുടങ്ങിയവയുടെ ചികിത്സയിലും ഈ ഔഷധം ഉപയോഗിക്കുന്നു .

Rheumo Sakthi Tablets എന്ന സിദ്ധ ഔഷധത്തിലും കഴഞ്ചി ഒരു പ്രധാന ചേരുവയാണ് .ഈ ഔഷധം റൂമറ്റോയ്ഡ് ആർത്രൈറ്റിസ്,ഓസ്റ്റിയോ ആർത്രൈറ്റിസ്,സന്ധി വേദന,നടുവേദന എന്നിവയ്ക്ക് ഫലപ്രദമാണ് .

ഞങ്ങളുടെ ഗ്രൂപ്പുകളില്‍ ചേരാം.

വാട്സ്ആപ്പ്

ടെലഗ്രാം

kazharchi kaai,kazharchi seed,medicinal benefits of kazharchi kaai,kazhanji,health channel,ayurveda channel,which shares to buy,rich,south indian foods,share,what is,pregnancy guidelines,how can i,chutney,seena bhai tiffin center,uthappam,for infants,organic foods,pregnant lady,health in tamil,seena bhai dosa,share market ipo,ipo pros and cons,ipo explanation,how to buy shares,siddha medicine,managing family,indian street food

കഴഞ്ചിയുടെ ചില ഔഷധപ്രയോഗങ്ങൾ .

കഴഞ്ചിക്കുരു അരച്ച് പുറമെ പുരട്ടുകയോ കഴഞ്ചിക്കുരു ആവണക്കെണ്ണയിൽ അരച്ച് പുറമെ പുരട്ടുകയോ ചെയ്താൽ വൃക്ഷണവീക്കം മാറും .കഴഞ്ചിക്കുരു , പച്ചമഞ്ഞൾ , മൂക്കാത്ത പാക്ക് (അടയ്ക്ക )വെളുത്തുള്ളി ഇവ ഒരേ അളവിൽ മുട്ടയുടെ വെള്ളയും ചേർത്തരച്ച് തേനിൽ ചാലിച്ച് വൃക്ഷണങ്ങളിൽ ഒരാഴ്ച കട്ടിക്ക് പുരട്ടിയാൽ ഒരാഴ്ചകൊണ്ട് വൃക്ഷണ വീക്കം മാറും .

കഴഞ്ചിക്കുരു പാലിൽ അരച്ച് മുഖക്കുരു ഉള്ള ഭാഗത്ത് കുറച്ചുദിവസം പതിവായി പുരട്ടിയാൽ മുഖക്കുരു മാറും .

കഴഞ്ചിയുടെ ഇല അരച്ച് ഉള്ളിൽ കഴിച്ചാൽ ഉദരകൃമി നശിക്കും . 5 ഗ്രാം കഴഞ്ചിക്കുരു പൊടിച്ച് ഒരു ഗ്ലാസ് മോരിൽ കലക്കി 3 ദിവസം കഴിച്ചാൽ ഉദരകൃമി പാടെ നശിക്കും .

കഴഞ്ചിയുടെ ഇലയുടെ നീരും നെല്ലിക്കാനീരും തുല്ല്യ അളവിൽ എടുത്ത് പഞ്ചസാരയും ചേർത്ത് കഴിച്ചാൽ മസൂരി , ലഘുമസൂരി എന്നിവ ശമിക്കും .(പൊങ്ങൻ പനി ,ചിക്കൻ പോക്സ്)

കഴഞ്ചിക്കുരു കഷായം വച്ച് കഴിച്ചാൽ പനി മാറും .കഴഞ്ചിക്കുരു ,തിപ്പലി ,കുരുമുളക് എന്നിവ എല്ലാം കൂടി 15 ഗ്രാം എടുത്ത് ഒന്നര ലിറ്റർ വെള്ളത്തിൽ കഷായം വച്ച് 400 മില്ലിയാക്കി വറ്റിച്ച് 100 മില്ലി വീതം തേൻ ചേർത്ത്‌ ദിവസം രണ്ടുനേരം രാവിലെയും വൈകിട്ടും കഴിച്ചാൽ എല്ലാത്തരം പനികളും മാറും .

കഴഞ്ചിക്കുരുവിൽ നിന്നും എടുക്കുന്ന എണ്ണ പരുവിന്റെ മുകളിൽ പുരട്ടിയാൽ പരു വേഗം പഴുത്തു പൊട്ടി സുഖമാകും .

കഴഞ്ചിക്കുരു ,കഴഞ്ചിയുടെ ഇല , മുരിങ്ങയുടെ തൊലി ,വയമ്പ് , മൂക്കാത്ത പാക്ക് (അടയ്ക്ക ) പച്ചമഞ്ഞൾ ഇവ കോഴിമുട്ടയുടെ വെള്ളയിൽ അരച്ച് തേനിൽ ചാലിച്ച് ഹെർണിയായുടെ മുഴയിൽ പുരട്ടുകയും. മുരിങ്ങയുടെ തൊലി ,ചുക്ക് ,വയമ്പ്, വെളുത്തുള്ളി ഇവ ഓരോന്നും 15 ഗ്രാം വീതം 2 ലിറ്റർ വെള്ളത്തിൽ കഷായം വച്ച് 500 മില്ലിയാക്കി വറ്റിച്ച് 100 മില്ലി ദിവസം രണ്ടുനേരം എന്ന കണക്കിൽ കഴിച്ചാൽ ഹെർണിയ (ആന്ത്രവൃദ്ധി) നിശ്ശേഷം മാറും .

കഞ്ഞിയുണ്ടാക്കുമ്പോൾ കഴഞ്ചി വിത്തിന്റെ പരിപ്പും ഒപ്പം ചേർത്ത് കഞ്ഞിയുണ്ടാക്കി കഴിച്ചാൽ ജലോദരത്തിന് ഉത്തമമാണ് .(ജലോദരം-പെരിറ്റോണിയൽ സ്തരത്തിനുള്ളിൽ വെള്ളം കെട്ടി നിന്ന് ഉദരം അധികമായി വീർക്കുന്നു. കൈകാലുകൾ ശോഷിച്ചും വീർത്ത വയറിനു മുകളിൽ സിരകൾ നീലനിറത്തിൽ പൊങ്ങിയും കാണപ്പെടും.)

5 ഗ്രാം കഴഞ്ഞിക്കുരു നന്നായി പൊടിച്ച് 30 മില്ലി മോരിൽ ചേർത്ത് കഴിച്ചാൽ വയറുവേദന മാറും .ഇത് 2 -3 ദിവസം തുടർച്ചായി കഴിച്ചാൽ ഉദരകൃമി ഇല്ലാതാകും .

കഴഞ്ചിക്കുരുവിന്റെ പരിപ്പും കഴഞ്ചിയുടെ തൊലിയും സമാസമം 30 ഗ്രാം വീതമെടുത്ത് ഒന്നര ലിറ്റർ വെള്ളത്തിൽ കഷായം വച്ച് നാനൂറ് മില്ലിയാക്കി വറ്റിച്ച് നൂറ് മില്ലി വീതം തേനും ചേർത്ത് ദിവസം രണ്ടുനേരം എന്ന കണക്കിൽ കഴിക്കുകയും ഇതുതന്നെ അരിക്കാടിയിൽ അരച്ച് തേനിൽ ചാലിച്ച് പുറമെ പുരട്ടുകയും ചെയ്താൽ പഴുത്ത് വൃണമായ അര്‍ബുദമുഴകൾ വരെ വറ്റും .

കഴഞ്ചിയുടെ ഇലയിട്ട് തിളപ്പിച്ച വെള്ളം കവിൾ കൊണ്ടാൽ തൊണ്ടവേദന മാറിക്കിട്ടും .

കഴഞ്ചിയുടെ ഇല അരച്ച് പല്ലുവേദനയുള്ള ഭാഗത്ത് മോണയിൽ പുരട്ടിയാൽ പല്ലുവേദന മാറും .

കഴഞ്ചിയുടെ ഇലയും വിത്തും കൂടി അരച്ച് ആവണക്കെണ്ണയിൽ കാച്ചിയെടുക്കുന്ന എണ്ണ പൈൽസിന്റെ കുരുവിൽ പതിവായി പുരട്ടിയാൽ പൈൽസ് പൂർണ്ണമായും മാറും .കൂടാതെ ശരീരത്തിലുണ്ടകുന്ന നീര് ,വേദന ,വൃക്ഷണ വീക്കം എന്നിവയ്ക്കും പുറമെ ഉപയോഗിക്കാൻ ഫലപ്രദമാണ് .