കേരളത്തിലെ മലനിരകളിൽ സാധാരണ കണ്ടുവരുന്ന ഒരു ചെടിയാണ് അതിരാണി .ശാസ്ത്രീയനാമം:മെലാസ്റ്റോമ മലബാത്രികം (Melastoma malabathricum) എന്നാണ് . ഈ സസ്യത്തെ കലദി,കലംപൊട്ടി,തോട്ടുകാര, തൊടുകാര തുടങ്ങിയ പേരുകളിൽ കേരളത്തിന്റെ വിവിധ ഭാഗങ്ങളിൽ അറിയപ്പെടുന്നു .ഏകദേശം 2 മീറ്റർ ഉയരത്തിൽ വളരുന്നതും എല്ലാ കാലത്തും പുഷ്പ്പിക്കുന്നതുമായ ഒരു നിത്യഹരിത കുറ്റിച്ചെടിയാണ് അതിരാണി .പൂന്തോട്ടങ്ങളിൽ വെച്ചുപിടിപ്പിക്കാവുന്ന കൂടുതൽ പൂക്കളുണ്ടാകുന്ന ഹൈബ്രീഡ് ഇനങ്ങൾ ഇപ്പോൾ നേഴ്‌സറികളിൽ ലഭ്യമാണ് .
Botanical name-Melastoma malabathricum
Family-Melastomataceae (Melastome family)
ഈ സസ്യത്തിന്റെ തണ്ടുകൾ രോമാവൃതമാണ് .അഞ്ചിതളുകളുള്ള വയലറ്റ് നിറത്തിലുള്ള പൂക്കളാണ് പൊതുവെ അതിരാണിക്കുള്ളത് .എങ്കിലും മറ്റുനിറങ്ങളിലും പൂക്കളുണ്ടാകുന്ന അതിരാണികളുണ്ട് .ഒരുകുലയിൽ ഏകദേശം 5 പൂക്കൾ വരെയുണ്ടാകും .ഇതിന്റെ കായ കലത്തിന്റെ ആകൃതിയാണ് .ഇത് മൂത്തുകഴിയുമ്പോൾ പൊട്ടിപോകുകയും ചെയ്യുന്നു .അതിനാലാണ് ചില സ്ഥലങ്ങളിൽ ഈ സസ്യത്തെ കലംപൊട്ടി എന്ന പേരിൽ അറിയപ്പെടുന്നത് .
ഈ സസ്യങ്ങൾ വളരുന്ന സ്ഥലങ്ങളിൽ ഭൂഗർഭജലം ധാരാളമുണ്ടാകും എന്നാണ് വിശ്വാസം .പണ്ടുകാലങ്ങളിൽ കിണറുകൾ കുഴിക്കുമ്പോൾ ഈ സസ്യങ്ങൾ നിൽക്കുന്ന സ്ഥലങ്ങൾ തെരെഞ്ഞെടുക്കാറുണ്ടായിരുന്നു .ലോകത്തിലെ ഏറ്റവും വലിയ നിശാശലഭമായ സർപ്പശലഭം മുട്ടയിടുന്നത് ഈ സസ്യത്തിന്റെ ഇലകളിലാണ്‌ . ഇതിന്റെ ലാർവയുടെ ഭക്ഷണമാണ് ഇവയുടെ ഇല .തെക്കുകിഴക്കൻ ഏഷ്യയിലെ വനമേഖലകളിലാണ് ഈ ശലഭങ്ങളെ സാധാരണ കാണപ്പെടുന്നത് .അതുപോലെ വഴികളിലും ,പറമ്പുകളിലും സാധാരണ കാണുന്ന പേഴാളൻ ചിത്രശലഭവും മുട്ടയിടുന്നത് ഈ സസ്യത്തിന്റെ ഇലകളിലാണ്‌ .
അതിരാണി ഔഷധഗുണങ്ങൾ .
ധാരാളം ഔഷധഗുണമുള്ളൊരു സസ്യമാണ് അതിരാണി .ഇതിന്റെ ഇലയാണ് പ്രധാനമായും ഔഷധങ്ങൾക്ക് ഉപയോഗിക്കുന്നത് . എങ്കിലും പൂവ് ,വിത്തുകൾ തുടങ്ങിയവയും ഉപയോഗിക്കാറുണ്ട് .ത്വക്ക് രോഗങ്ങൾ ,പയൽസ് ,വെരിക്കോസ് ,ആർത്തവ പ്രശ്നങ്ങൾ , വെള്ളപോക്ക് , ലൈംഗീക തകരാറുകൾ,മുറിവ് ,രക്തശ്രാവം തുടങ്ങിയവയ്ക്ക് അതിരാണി ഔഷധമായി ഉപയോഗിക്കുന്നു .
- Common name-Malabar Melastome, Indian-rhododendron
- Hindi-Shapti
- Malayalam-Athiraani, Kadali, Kalampotti, Thottukaara
- Tamil-Katalai
- Marathi-lakheri, palore, rindha
- Sanskrit-Tinisah
- Bengali-Dantaranga, Iutki,Phutul
- Kannada-Ankerki, Dodda Nekkare, Kenkarike
- Telugu-Nekkare, Nekkaresaelya, Pathudu