മരണത്തെപോലും തടയുന്ന ചിറ്റമൃത്

ഹൃദയസംബന്ധമായ രോഗങ്ങൾ ,പനി ,മഞ്ഞപ്പിത്തം ,വിളർച്ച ,ആസ്മ ,പ്രമേഹം ,മൂത്രസംബന്ധമായ രോഗങ്ങൾ, പ്രധിരോധശേഷിക്കുറവ് തുടങ്ങിയ രോഗങ്ങളുടെ ചികിൽത്സയ്ക്കായി ആയുർവേദത്തിൽ വ്യാപകമായി ഉപയോഗിക്കുന്ന ഒരു ഔഷധസസ്യമാണ് അമൃത് അഥവാ ചിറ്റമൃത് .സംസ്‌കൃതത്തിൽ ഈ സസ്യത്തെ അമൃത ലതിക, ഭിഷക് പ്രിയ , മധുപർണി, ഛിന്നോൽഭവ ,വൽസാദനി ,ഗുളൂചി, ഛിന്നാരുഹ , കുണ്ടലിനാ, അമൃത വല്ലി തുടങ്ങിയ പേരുകളിൽ അറിയപ്പെടുന്നു .

ചിറ്റമൃത്,പ്രമേഹം കുറക്കാൻ ചിറ്റമൃത്,ചിറ്റമൃത് ഉപയോഗിക്കുന്നത് എങ്ങനെ,ഷുഗറിന് എങ്ങനെ ചിറ്റമൃത് ഉപയോഗിക്കാം,ലൈംഗികശേഷി വർദ്ധിപ്പിക്കാൻ ചിറ്റമൃത് എങ്ങനെ ഉപയോഗിക്കാം,അമൃത്,കയ്പമൃത്,കാട്ടമൃത്,മുള്ളമൃത്‌,അമൃതവള്ളി,അമൃതുവള്ളി,ഗുഡൂചി,ഗുളൂചി,മുത്തശ്ശി വൈദ്യം,പ്രമേഹത്തിനു ഒരു അത്ഭുത മരുന്ന്,amrithavalli,giloy benefits,guduchi benefits,guduchi for immunity,health benefits of giloy,tinospora cordifolia,amrutha valli,giloy health benefits

Botanical name : Tinospora cordifolia

Family : Menispermaceae (Moonseed family)

അമൃത് കാണപ്പെടുന്ന സ്ഥലങ്ങൾ .

ഇന്ത്യയിലെ ഉഷ്ണമേഖലാവനങ്ങളിലും നാട്ടിൻപുറങ്ങളിലും അമൃത് സ്വാഭാവികമായി വളരുന്നു .ഇന്ത്യ കൂടാതെ ശ്രീലങ്കയിലും അമൃത് കാണപ്പെടുന്നു .

സസ്യവിവരണം .

വലിയ മരങ്ങളിൽ ചുറ്റിപ്പടർന്നു വളരുന്ന ഒരു വള്ളിച്ചെടിയാണ് അമൃത് . ഇതിന്റെ തണ്ടുകൾ മൃദുവും നല്ല കയ്പുരുചിയാണ് .അമൃതിന്റെ ഇലയ്ക്ക് വെറ്റിലയുമായി സാമ്യമുണ്ട് .നല്ല മൂപ്പെത്തിയ അമൃതിൻ തണ്ടിന് തള്ളവിരലോളം കനമുണ്ടായിരിക്കും .തണ്ടുകളിലെ പർവസന്ധികൾ വീർത്ത് കാണപ്പെടുന്നു .

തണ്ടിന് വെള്ളയും പച്ചയും കലർന്ന ചാരനിറമാണ് .ഉപരിതലം പാടപോലെയുള്ള തൊലികൊണ്ട് ആവരണം ചെയ്യപ്പെട്ടിരിക്കുന്നു .തൊലി നീക്കിയാൽ കാണുന്ന നല്ല പച്ചനിറമുള്ള അടിഭാഗം മിനുസമുള്ളതാണ് .

ഇലകൾ ലഘുവും ഏകാന്തരമായി വിന്യസിച്ചിരിക്കുന്നു .ഇലകൾക്ക് ശരാശരി 5 -8 സെ.മി നീളവും അത്രതന്നെ വീതിയും കാണും .ഇലകൾ പെട്ടന്ന് പൊഴിഞ്ഞുപോകും .ആൺപൂക്കളും പെൺപൂക്കളും വെവ്വേറെ സസ്യങ്ങളിലാണ് ഉണ്ടാകുന്നത് .പൂക്കൾ പത്രകകക്ഷങ്ങളിൽ 2 -6 വീതമുള്ള കൂട്ടമായി കാണപ്പെടുന്നു .

പൂക്കൾ ചെറുതും പച്ചകലർന്ന മഞ്ഞനിറവുമാണ് .6 ബാഹ്യദളങ്ങളും 6 ദളങ്ങളുമുണ്ട് .കേസരപുഷ്പ്പത്തിൽ 6 കേസരങ്ങളും ജെനിപുഷ്പ്പത്തിൽ ജനിപുടം കൂടാതെ 6 വന്ധ്യകേസരങ്ങളുമുണ്ട് .ഇവയുടെ ഫലങ്ങള് പയറുവിത്തിന്റെ വലിപ്പമുള്ളതും ചുവന്നതുമാണ് .ഫലങ്ങൾ ചെറുതാണ് .ഓരോ ഫലത്തിലും ഓരോ വിത്തുകൾ കാണപ്പെടുന്നു .തണ്ട് മുറിച്ചുനട്ടാണ്‌ പുതിയ തൈകൾ ഉത്പാദിപ്പിക്കുന്നത് .

അമൃത് ഇനങ്ങൾ .

ചിറ്റമൃത് ,കാട്ടമൃത് എന്നിങ്ങനെ രണ്ടുതരം അമൃതുണ്ട് . ഇതിൽ ചിറ്റമൃതാണ് ഔഷധങ്ങൾക്ക് ഉപയോഗിക്കുന്നത്. കാട്ടമൃത് ചിറ്റമൃതുമായി നല്ല സാമ്യമുള്ളതിനാൽ പലപ്പോഴും ഇത് അങ്ങാടി കടകളിൽ ചിറ്റമൃതിന് പകരമായി എത്താറുണ്ട് .കാട്ടമൃതിന്റെ ഇലകൾ വലുതായിരിക്കും .ഇളം തണ്ടുകളിലും ഇലയുടെ അടിവശത്തും വെള്ള രോമങ്ങൾ കാണപ്പെടുന്നു . മുള്ളമൃത് എന്ന് പേരുള്ള വേറൊരിനം അമൃതുണ്ട് .ഇതിന്റെ തണ്ടിൽ നിറയെ മുള്ളുകൾപോലെയുള്ള തടിപ്പുകൾ കാണാം .മുള്ളമൃത് വിദേശിയാണ് .ഇപ്പോൾ നമ്മുടെ നാട്ടിലും കണ്ടുവരുന്നു .

കാട്ടമൃത് .

Botanical name : Tinospora sinensis

Family : Menispermaceae (Moonseed family)

Synonyms : Tinospora malabarica ,Campylus sinensis

രാസഘടന .

അമൃതിന്റെ തണ്ടിൽ ചില ആൽക്കലോയിഡുകളും കയ്പ്പുള്ള ഒരു പദാർത്ഥവും അടങ്ങിയിരിക്കുന്നു .തണ്ടിൽ നിന്നും ഗുളുചിസത്ത് എടുക്കുന്നുണ്ട്.അലോപ്പതിയിലും ആയൂർവേദത്തിലും സാധാരണമായി ഉപയോഗിക്കുന്ന ചില രാസഘടകങ്ങൾ ചിറ്റമൃതിന്റെ തണ്ടിൽനിന്നും വേർതിരിച്ചെടുക്കുന്നവയാണ് .അതിൽ പ്രധാനപ്പെട്ടത് ബെർബെറിൽ എന്ന ആൽക്കലോയിഡാണ് .കൂടാതെ ടിനോസ്പോറിഡിൻ, ടിനോ സ്പോറിൻ, കോർഡിഫോളോൺ, കോർഡിഫോളൈഡ്, ഗിലോയിൻ, ബിസിറ്റോസ്ക്ലിറോൾ എന്നീ രാസഘടകങ്ങളും ചിറ്റമൃതിന്റെ തണ്ടിൽനിന്നും വേർതിരിച്ചെടുക്കുന്നുണ്ട്.

ചിറ്റമൃത് ഔഷധഗുണം.

അമൃത് എന്ന വാക്കിന്റെ അർഥം മരണമില്ലാത്തത് ,മരണത്തെ ഉണ്ടാക്കാത്തത് എന്നാണ് .സ്വയം മരിക്കാതെ ചിരകാലം ജീവിക്കുകയും മറ്റ് ജീവികളെ രോഗവിമുക്തമാക്കി മരണത്തിൽ നിന്നും രക്ഷിക്കുകയും ചെയ്യുന്നതുകൊണ്ടാണ് അമൃത് എന്ന പേര് ഈ സസ്യത്തിന് വരാൻ കാരണം .

വളരെക്കാലത്തെ പഴക്കമുള്ള അമൃത് ഉപയോഗിക്കുന്നവർ ദീർഘായുസ്സുള്ളവരായിരിക്കും എന്നാണ് സങ്കല്പം .ജരാനരകളെയും മരണത്തെയും ഇല്ലാതാക്കാൻ കഴിവുള്ള അമൃത് വള്ളി പുരാണങ്ങളിലും മുഖ്യസ്ഥാനം ലഭിച്ചിരിക്കുന്നു .ചരകൻ ഈ സസ്യത്തെ മഞ്ഞപ്പിത്തഹരൗഷധമായും വിഷമജ്വരഹരൗഷധമായും വിവരിക്കുന്നു .

രസാദിഗുണങ്ങൾ.

രസം : തിക്തം,കടു
ഗുണം : ഉഷ്ണം,സ്നിഗ്ധം,ലഘു
വീര്യം : ഉഷ്ണം
വിപാകം : മധുരം

ഉഷ്‌ണസ്നിഗ്ധലഘു ഗുണങ്ങളുള്ള അമൃത് ഉഷ്‌ണവീര്യത്തോടു കൂടിയതും തിക്തകടുരസങ്ങളുള്ളതുമാകുന്നു .ദഹനശക്തി വർധിപ്പിക്കുകയും രക്തശുദ്ധിയുണ്ടാക്കുകയും ചെയ്യും .ശരീരതാപത്തെ ക്രമീകരിക്കുകയും രക്തമാംസാദി ധാതുക്കളെ പുഷ്ടിപ്പെടുത്തുകയും ചെയ്യുന്നു .ഏതുതരത്തിലുള്ള പനികളെയും ശമിപ്പിക്കും .പ്രമേഹം ,വാതരക്തം ,ത്വക്ക് രോഗങ്ങൾ എന്നീ രോഗങ്ങളെ ശമിപ്പിക്കാനുള്ള കഴിവുണ്ട് .

chittamruth,chittamrith,chitamruth,chittamrithu,chittamruth for hair growth,chittamrth,chittamrithu plant,chittamruthu,chittamruth.,#chittamruth,chittamruth uses,chittamruth hair,chittamruth plant,chittamrithu for hair growth,chittamruth for diabetes,chittamruth in malayalam,health benifits of chittamrth,chitamruth swarasam,chittamrithu for diabetes malayalam,medicinal benefits of chittamruthu,chittamruth for diabetes malayalam

ചിറ്റമൃത് ചേരുന്ന പ്രധാനപ്പെട്ട ഔഷധങ്ങൾ

1 ,അമൃതാരിഷ്ടം - എല്ലാത്തരം പനികളുടെ ചികിൽത്സയ്ക്ക് ഉപയോഗിക്കുന്ന ഒരു ഔഷധമാണ് അമൃതാരിഷ്ടം .അറിയാം അമൃതാരിഷ്ടം ഗുണങ്ങൾ .

2 ,അമൃതോത്തരം കഷായം - എല്ലാത്തരം പനികളുടെ ചികിൽത്സയ്ക്ക് ഉപയോഗിക്കുന്നു .ദഹനക്കുറവ് ,വിശപ്പില്ലായ്‌മ ,പ്രമേഹം ,കൊളസ്‌ട്രോൾ .അമിതവണ്ണം തുടങ്ങിയവയുടെ ചികിൽത്സയിലും ഈ ഔഷധം ഉപയോഗിക്കുന്നു .

3 ,അമൃതാദി ചൂർണ്ണം -പൊടി രൂപത്തിലുള്ള ഒരു ആയുർവേദ ഔഷധമാണ് അമൃതാദി ചൂർണ്ണം.പ്രധാനമായും പ്രമേഹ രോഗശമനത്തിന് ഉപയോഗിക്കുന്നു .കൂടാതെ വാതരോഗങ്ങൾ ,സന്ധിവേദന .അമിതവണ്ണം തുടങ്ങിയവയുടെ ചികിൽത്സയിലും ഈ ഔഷധം ഉപയോഗിക്കുന്നു .

4 ,ഗുളുച്യാദി കഷായം - അസിഡിറ്റി, ഛർദ്ദി, നെഞ്ചെരിച്ചിൽ, ഓക്കാനം,വായിൽ പുളിച്ച രുചി, ഗ്യാസ്ട്രൈറ്റിസ്,വിശപ്പില്ലായ്‌മ , തലകറക്കം, ബോധക്ഷയം തുടങ്ങിയ അവസ്ഥകളിൽ ഗുളുച്യാദി കഷായം ഉപയോഗിക്കുന്നു .

5 ,അമൃതാദി തൈലം - ചുമ ,ജലദോഷം ,ആസ്മ ,ബ്രോങ്കൈറ്റിസ് തുടങ്ങിയ ശ്വാസകോശ സംബന്ധമായ രോഗങ്ങളുടെ ചികിൽത്സയിൽ തലയിൽ പുരട്ടുവാൻ ഉപയോഗിക്കുന്ന ഒരു ഔഷധമാണ് അമൃതാദി തൈലം.കൂടാതെ വാതസംബദ്ധമായി ഉണ്ടാകുന്ന ബുദ്ധിമുട്ടുകൾക്കും ഈ ഔഷധം ഉപയോഗിക്കുന്നു .

6 ,ബലാഗുളുച്യാദി തൈലം - സന്ധിവാതത്തിന് പുറമെ പുരട്ടുവാൻ ഉപയോഗിക്കുന്ന ഒരു ആയുർവേദ ഔഷധമാണ് ബലാഗുളുച്യാദി തൈലം .

7 ,ച്യവനപ്രാശം - ആയുർവേദ മരുന്നുകളിൽ ഏറെ പ്രശസ്‌തമായ ഒന്നാണ് ച്യവനപ്രാശം .ഇതൊരു രസായനൗഷധമാണ്. ആയുർവേദത്തിൽ രോഗപ്രതിരോധത്തിനും ആരോഗ്യ പരിപാലനത്തിനും യൗവനം നിലനിർത്താനുമുള്ള ഒരു ഔഷധമാണ് ച്യവനപ്രാശം.അറിയാം ച്യവനപ്രാശം കഴിക്കുന്നതുകൊണ്ടുള്ള ആരോഗ്യഗുണങ്ങൾ .

8 ,ദശമൂലാരിഷ്ടം - ജലദോഷം ,ചുമ ,ദഹനപ്രശ്നങ്ങൾ,വിളർച്ച തുടങ്ങിയവയുടെ ചികിൽത്സയിൽ ദശമൂലാരിഷ്ടം ഉപയോഗിക്കുന്നു . അറിയാം ദശമൂലാരിഷ്ടം കഴിക്കുന്നതുകൊണ്ടുള്ള ആരോഗ്യഗുണങ്ങൾ .

9 ,വാശാഗുളുച്യാദി കഷായം - മഞ്ഞപ്പിത്തം ,ഫാറ്റി ലിവർ മറ്റ് കരൾ സംബന്ധമായ രോഗങ്ങൾ എന്നിവയുടെ ചികിൽത്സയിൽ ഉപയോഗിക്കുന്ന ഒരു ഔഷധമാണ് വാശാഗുളുച്യാദി കഷായം.

10 .സഞ്ജീവനി വടി - ചുമ ,പനി ,ജലദോഷം ,ദഹനക്കേട് ,വയറുവേദന ,ഓക്കാനം ,ചർദ്ദി മുതലായവയുടെ ചികിത്സയിൽ സഞ്ജീവനി വടി ഉപയോഗിക്കുന്നു .

11 .ഗുൽഗുലുതിക്തകം ഘൃതം - നെയ്യ് രൂപത്തിലുള്ള ഒരു ആയുർവേദ ഔഷധമാണ് ഗുൽഗുലുതിക്തകം ഘൃതം.ചുമ ,ജലദോഷം ,ആസ്മ ,സൈനസൈറ്റിസ്,സോറിയാസിസ് മറ്റ് ത്വക് രോഗങ്ങൾ ,സന്ധിവാതം ,ഹൃദയസംബന്ധമായ രോഗങ്ങൾ ,വിളർച്ച ,രക്തദുഷ്ട്ടി തുടങ്ങിയവയുടെ ചികിൽത്സയിൽ ഗുൽഗുലുതിക്തകം ഘൃതം ഉപയോഗിക്കുന്നു .

12 ,സുദർശനം ഗുളിക - പനി ,ചുമ ,ശ്വാസതടസ്സം .ശ്വാസനാളത്തിലെ അണുബാധ തുടങ്ങിയവയുടെ ചികിത്സയിൽ ഉപയോഗിക്കുന്ന ഒരു ആയുർവേദ ഔഷധമാണ് സുദർശനം ഗുളിക.

13 ,ഗുൽഗുലുതിക്തകം കഷായം -എല്ലാത്തരം വാത രോഗങ്ങളുടെ ചികിത്സയിൽ ഉപയോഗിക്കുന്ന ഒരു ഔഷധമാണ് ഗുൽഗുലുതിക്തകം കഷായം . കൂടാതെ ത്വക് രോഗങ്ങൾ ,സൈനസൈറ്റിസ് ,ഫിസ്റ്റുല ,പൈൽസ് ,പ്രമേഹം ,ക്ഷയം ,ചുമ ,മൂക്കൊലിപ്പ് ,ആസ്മ ,ജലദോഷം ,വീക്കം ,മുഴകൾ ,അൾസർ ,തുടങ്ങിയവയ്ക്കും ഗുൽഗുലുതിക്തകം കഷായം ഉപയോഗിക്കുന്നു .

14 , സംശമനി വടി - എല്ലാത്തരം പനികളുടെയും ചികിത്സയ്ക്കായി ഉപയോഗിക്കുന്ന ഒരു ആയുർവേദ ഔഷധമാണ് സംശമനി വടി.ഇത് ശരീരത്തിന്റെ പ്രധിരോധശേഷി വർധിപ്പിക്കും. വിവിധ വൈറൽ ബാക്റ്റീരിയകൾക്കെതിരെ പോരാടാനുമുള്ള ശരീരത്തിന്റെ ശക്തി വർധിപ്പിക്കുന്നു .കോവിഡ് -19 എതിരെ പോരാടാനുള്ള ശക്തി ഈ ഔഷധത്തിനുണ്ട് .

15 ,മാനസമിത്രവടകം ഗുളിക - വിഷാദരോഗം ,സ്ട്രെസ്, ടെൻഷൻ, ഉന്മാദം,ഉറക്കക്കുറവ് തുടങ്ങിയ അവസ്ഥകളുടെ ചികിൽത്സയിൽ ഉപയോഗിക്കുന്ന ഒരു ഔഷധമാണ് മാനസമിത്ര വടകം.

16 ,ഗന്ധതൈലം - അസ്ഥികളുടെ ഒടിവ് , അസ്ഥികളുടെ ബലക്കുറവ് ,അസ്ഥികളുടെ തേയ്‌മാനം തുടങ്ങിയവയുടെ ചികിൽത്സയിൽ ഉപയോഗിക്കുന്ന ആയുർവേദത്തിലെ വളരെ പ്രസ്തമായ ഒരു തൈലമാണ് ഗന്ധതൈലം.ഈ ഔഷധം ഗുളിക രൂപത്തിലും ലഭ്യമാണ് .

17 ,കൈശോരഗുൽഗുലു ഗുളിക - പ്രമേഹം ,ത്വക് രോഗങ്ങൾ ,രക്തശുദ്ധി ,വിളർച്ച തുടങ്ങിയവയുടെ ചികിൽത്സയിൽ കൈശോരഗുൽഗുലു ഗുളിക ഉപയോഗിക്കുന്നു .

18 ,നിംബാദി കഷായം -കഫത്തോട് കൂടിയ പനി ,അഞ്ചാംപനി ,ചിക്കൻ പോക്‌സ് മറ്റ് ത്വക്ക് രോഗങ്ങൾ തുടങ്ങിയവയുടെ ചികിൽത്സയിൽ നിംബാദി കഷായം ഉപയോഗിക്കുന്നു .

19 ,ബലാതൈലം - വാതരോഗങ്ങൾ ,പേശികളുടെ ബലക്കുറവ് ,നടുവേദന ,ഡിസ്‌ക് തെറ്റൽ ,പക്ഷാഘാതം ,ബെല്‍സ് പാല്‍സി രോഗം ,പനിയോടു കൂടിയുള്ള അപസ്‌മാരം തുടങ്ങിയവയുടെ ചികിൽത്സയിൽ പുറമെ പുരട്ടുവാനും നസ്യം ചെയ്യുവാനും ബലാതൈലം ഉപയോഗിക്കുന്നു .

20 ,പുനർന്നവാസവം - കരൾരോഗങ്ങൾ ,നീർവീക്കം , പ്ലീഹരോഗങ്ങൾ ,വയറുവീർപ്പ് ,മൂത്രാശയ രോഗങ്ങൾ ,പനി ,നെഞ്ചരിച്ചിൽ ,പുളിച്ചുതികട്ടൽ ,ദഹനക്കുറവ് തുടങ്ങിയവയുടെ ചികിൽത്സയിൽ പുനർന്നവാസവം ഉപയോഗിക്കുന്നു .

21 ,ശിവ ഗുളിക - കരൾരോഗങ്ങൾ,പ്ലീഹരോഗങ്ങൾ,വിട്ടുമാറാത്ത മൂക്കൊലിപ്പ് ,തുമ്മൽ ,ബ്രോങ്കൈറ്റിസ് ,ചുമ ,ഹൃദ്രോഗം,രക്തവാതം ,ചർമ്മരോഗങ്ങൾ ,അപസ്‌മാരം ,മാനസിക രോഗങ്ങൾ തുടങ്ങിയവയുടെ ചികിൽത്സയിൽ ശിവ ഗുളിക ഉപയോഗിക്കുന്നു .

22 ,കഞ്ഞുണ്ണ്യാദി കേരം - താരൻ ,മുടികൊഴിച്ചിൽ ,അകാല നര ,തലവേദന ,മൈഗ്രെയ്ന്‍,നേത്രരോഗങ്ങൾ ,ദന്തരോഗങ്ങൾ തുടങ്ങിയവയുടെ ചികിൽത്സയിൽ തലയിൽ പുരട്ടുവാൻ ഉപയോഗിക്കുന്ന എണ്ണയാണ് കഞ്ഞുണ്ണ്യാദി കേരം.കൂടാതെ തലയിലെ പേൻ ,ഈര് എന്നിവയെ ഇല്ലാതാക്കാനും ഈ എണ്ണ വളരെ ഫലപ്രദമാണ് .

22 ,ത്രിഫലാദി തൈലം -മുടികൊഴിച്ചിൽ , അകാല നര ,മുടിയുടെ അറ്റം പിളരൽ .തലവേദന ,സൈനസൈറ്റിസ് ,വിട്ടുമാറാത്ത മൂക്കൊലിപ്പ് ,തുമ്മൽ തുടങ്ങിയവയുടെ ചികിൽത്സയിൽ ത്രിഫലാദി തൈലം ഉപയോഗിക്കുന്നു .കൂടാതെ കണ്ണ് ,ചെവി ,തൊണ്ട എന്നിവയുമായി ബന്ധപ്പെട്ട എല്ലാ രോഗങ്ങൾക്കും ത്രിഫലാദി തൈലം ഉപയോഗിക്കുന്നു .

23 ,വിഗർ പ്ലസ് - ശരീരക്ഷീണം ,തളർച്ച ,ലൈംഗീകശേഷിക്കുറവ് ,പുരുഷവന്ധ്യത തുടങ്ങിയവയുടെ ചികിൽത്സയിൽ വിഗർ പ്ലസ് ഉപയോഗിക്കുന്നു .

24 ,ശാരിബാദ്യാസവം - വാതരോഗങ്ങൾ ,പ്രമേഹം ,ത്വക് രോഗങ്ങൾ എന്നിവയുടെ ചികിൽത്സയിൽ ഉപയോഗിക്കുന്ന ഔഷധമാണ് ശാരിബാദ്യാസവം. രക്തശുദ്ധി ,അമിത വിയർപ്പ് ,സ്വകാര്യ ഭാഗത്തെ ചൊറിച്ചിൽ,മുഖക്കുരു ,പരു ,ഉപ്പൂറ്റി വിള്ളൽ ,കരപ്പൻ ,സോറിയാസിസ് ,ഫംഗസ് അണുബാധ ,വട്ടച്ചൊറി ,ചർമ്മത്തിലെ പുകച്ചിൽ ,പൊള്ളൽ തുടങ്ങിയ അവസ്ഥകളിലെല്ലാം ശാരിബാദ്യാസവം ഉപയോഗിക്കുന്നു .

25 ,ആറുകാലാദി തൈലം - മഞ്ഞപ്പിത്തത്തിന് ഉപയോഗിക്കുന്ന ഒരു എണ്ണയാണ് ആറുകാലാദി തൈലം.തലയിൽ പുരട്ടുവാനാണ് ഈ എണ്ണ ഉപയോഗിക്കുന്നത് .

26 ,ബലാധാത്യാദി തൈലം - തലവേദന ,തലപുകച്ചിൽ , കണ്ണെരിച്ചിൽ തുടങ്ങിയവയുടെ ചികിൽത്സയിൽ ബലാധാത്യാദി തൈലം ഉപയോഗിക്കുന്നു .കൂടാതെ സന്ധിവാതം ,രക്തശുദ്ധി എന്നിവയ്ക്കും ഈ തൈലം ഉപയോഗിക്കുന്നു .

27 ,മധുയഷ്ട്യാദി തൈലം - പനി ,പിത്ത ദോഷം കൊണ്ട് ഉണ്ടാകുന്ന പനി,സന്ധിവേദന ,സന്ധിവാതം ,വീക്കം ,ശരീരം പുകച്ചിൽ തുടങ്ങിയവയുടെ ചികിൽത്സയിൽ ഉപയോഗിക്കുന്ന ഒരു തൈലമാണ് മധുയഷ്ട്യാദി തൈലം.ഈ തൈലം പുറമെ പുരട്ടുവാനാണ് ഉപയോഗിക്കുന്നത് .

28 ,ധൂർപൂരപത്രാദി കേരം - മുടിസംരക്ഷണത്തിന് ഉപയോഗിക്കുന്ന എണ്ണയാണ് ധൂർപൂരപത്രാദി കേരം. മുടികൊഴിച്ചിൽ ,മുടിയുടെ അറ്റം പിളരൽ ,താരൻ ,തലചൊറിച്ചിൽ ,തലയോട്ടിയിൽ ഉണ്ടാകുന്ന ഫംഗസ് അണുബാധ തുടങ്ങിയവയ്ക്ക് ധൂർപൂരപത്രാദി കേരം ഉപയോഗിക്കുന്നു .

29 ,സുദർശന ചൂർണ്ണം - വിട്ടുമാറാത്ത പനിക്ക് ഉപയോഗിക്കുന്ന ഒരു ഔഷധമാണ് സുദർശന ചൂർണ്ണം,കൂടാതെ കരൾരോഗങ്ങൾ, പ്ലീഹരോഗങ്ങൾ എന്നിവയ്ക്കും ഉപയോഗിക്കുന്നു .

പ്രാദേശിക നാമങ്ങൾ .

English name : Indian tinospora,Indian Tinospora, Heart-leaved tinospora, Tinospora gulancha
Hindi : Chinnaruha, Giloy, Gulunch, Gurch, Pittaghni,Jivanti, Jivantika, Somavalli, Tiktaparvan
Malayalam : Amritavalli, Chittamrut , Paiyyamruth
Tamil : Acaci,Akaca-valli, Akaya-valli,Amirta-k-koti,Amirta-valli,Amirtai, Amutai
Kannada : Amara, Amritaballi, Ugani balli
Marathi : Amrutvel, Guduchi, Gulvel
Odia : Chandrahasa, Gulancha, Guruchi, Jibantika
Punjabi : Galo, Gilo
Telugu Guloochi, Thippathige

ഔഷധയോഗ്യഭാഗം - തണ്ട് ,ഇല

ചിറ്റമൃത് കൊണ്ടുള്ള ചില വീട്ടുവൈദ്യങ്ങൾ .

1 ,പനി മാറാൻ .

അമൃതിന്റെ പച്ചത്തണ്ട് ഇടിച്ചുപിഴിഞ്ഞ അര ഔൺസ് നീരിൽ അല്‌പം തേനും ചേർത്ത് ദിവസം രണ്ടുനേരം എന്ന കണക്കിൽ4 -5 ദിവസം തുടർച്ചയായി കഴിച്ചാൽ പനിയും ജലദോഷവും മാറും .

2 ,വിളർച്ചരോഗം മാറാൻ .

അമൃതിന്റെ നൂറ് 250 മി .ഗ്രാം വീതം തേനിൽ ചാലിച്ച് രാവിലെയും വൈകിട്ടും ദിവസം രണ്ടുനേരം എന്ന കണക്കിൽ കുറച്ചുനാൾ പതിവായി കഴിച്ചാൽ വിളർച്ചരോഗം (അനീമിയ)മാറും .അമൃതിന്റെ തണ്ട് ഇടിച്ചുപിഴിഞ്ഞ നീര് മൂന്നിരട്ടി വെള്ളവും ചേർത്ത് മൺപാത്രത്തിൽ 12 മണിക്കൂർ വച്ചതിനുശേഷം തെളിയൂറ്റി അടിയിൽ അടിയുന്ന നൂറ് വെയിലിൽ ഉണക്കിയെടുക്കുമ്പോൾ കിട്ടുന്ന വെളുത്ത പൊടിയാണ് നൂറ് .ഇത് വിപണിയിൽ വാങ്ങാൻ കിട്ടും .ഈ നൂറ് 50 മി .ഗ്രാം വീതം നറുനെയ്യിൽ ചാലിച്ച് ദിവസവും കഴിച്ചാൽ സർവ്വരോഗങ്ങളിൽ നിന്നും മുക്തി നേടുകയും ആരോഗ്യവും ,ആയുസ്സും വർധിക്കുകയും ചെയ്യും .

3 ,പ്രമേഹം കുറയാൻ .

അമൃതിന്റെ തണ്ട് ,പച്ച നെല്ലിക്ക എന്നിവ രണ്ടുംകൂടി ഇടിച്ചുപിഴിഞ്ഞ 10 മി .ലി നീരിൽ കുറച്ച് മഞ്ഞൾപ്പൊടിയും ചേർത്ത് ദിവസവും രാവിലെ വെറുംവയറ്റിൽ കഴിച്ചാൽ പ്രമേഹം ശമിക്കും .

അമൃതും ,കൊടുവേലിയും ചേർത്ത് കഷായമുണ്ടാക്കി വറ്റിച്ച് അരച്ച് ചെറിയ ഗുളികകളാക്കി നിഴലിൽ ഉണക്കി സൂക്ഷിക്കാം .ഈ ഗുളിക ദിവസവും ഒന്ന് വീതം പതിവായി കഴിച്ചാൽ പ്രമേഹം പൂർണ്ണമായും മാറും .

4 ,തലയിലുണ്ടാകുന്ന കരപ്പൻ ,ചിരങ്ങ് എന്നിവ മാറാൻ .

അമൃത് ,ചെറുകറുക എന്നിവ ഇടിച്ചുപിഴിഞ്ഞ നീരിൽ കൊട്ടം ,ഇരട്ടിമധുരം ,മുത്തങ്ങ ,ചുക്ക് എന്നിവ അരച്ച് ചേർത്ത് എണ്ണകാച്ചി തലയിൽ തേച്ചാൽ തലയിലുണ്ടാകുന്ന കരപ്പൻ ,ചിരങ്ങ് എന്നിവ മാറും .കൂടാതെ ഇത് ഒട്ടുമിക്ക ചർമ്മരോഗങ്ങൾ മാറുന്നതിനും നല്ലതാണ് .

5 ,മഞ്ഞപ്പിത്തം മാറാൻ .

അമൃതിന്റെ തണ്ട് ഇടിച്ചുപിഴിഞ്ഞ നീര് 10 മി .ലി വീതം രാവിലെയും വൈകിട്ടും ദിവസം രണ്ടുനേരം കഴിച്ചാൽ മഞ്ഞപിത്തം ശമിക്കും .കൂടാതെ കുഷ്‌ഠരോഗം ,രക്തവാതം ,രക്തപിത്തം എന്നീ രോഗങ്ങൾ ശമിപ്പിക്കുന്നതിനും ഇത് വളരെ ഫലപ്രദമാണ് .

6 ,പെരുമുട്ടുവാതം മാറാൻ .

അമൃതുവള്ളിയും ,ത്രിഫലയും സമമായി എടുത്ത് കഷായമുണ്ടാക്കി 25 മി .ലി വീതം രാവിലെയും വൈകിട്ടും ദിവസം രണ്ടുനേരം എന്ന കണക്കിൽ കഴിച്ചാൽ പെരുമുട്ടുവാതം ശമിക്കും .

7 ,വൃക്കരോഗം മാറാൻ .

അമൃതിന്റെ തണ്ട് ഇടിച്ചുപിഴിഞ്ഞ നീര് 10 മി .ലി വീതം രാവിലെയും വൈകിട്ടും ദിവസം രണ്ടുനേരം കഴിച്ചാൽ വൃക്കരോഗവും ഇതുമൂലം കണ്ണുകൾക്കടിയിൽ കാണുന്ന നീരും കാലുകളിൽ കാണുന്ന നീരും ശമിക്കും .

8 ,വ്രണങ്ങൾ പെട്ടന്ന് കരിയാൻ .

അമൃതിന്റെ തണ്ട് ഇടിച്ചുപിഴിഞ്ഞ നീരിൽ കുറച്ച് തേനും ചേർത്ത് വ്രണങ്ങളിൽ പുരട്ടിയാൽ വ്രണങ്ങൾ പെട്ടന്ന് കരിയും .

9 ,ശരീരം പുകച്ചിൽ മാറാൻ .

അമൃതിന്റെ തണ്ട് ഇടിച്ചുപിഴിഞ്ഞ നീര് വെയിലിൽ ഉണക്കുമ്പോൾ കിട്ടുന്ന പൊടി ദിവസവും മൂന്നുനേരം കുറേശ്ശെ കഴിച്ചാൽ ശരീരത്തിലുണ്ടാകുന്ന പുകച്ചിൽ മാറിക്കിട്ടും .അമൃതിന്റെ തണ്ട് ഇടിച്ചുപിഴിഞ്ഞ നീര് വെണ്ണ ചേർത്ത് പതിവായി ഒരുമാസം കഴിച്ചാൽ ശരീരത്തിൽ അനുഭവപ്പെടുന്ന അമിതമായ ചൂട് ,പുകച്ചിൽ എന്നിവ മാറിക്കിട്ടും .

10 ,രക്തത്തിലെ യൂറിക്ക് ആസിഡ് കുറയാൻ .

ചിറ്റമൃത് ,ചുക്ക് , യഷ്ടിമധു (ഇരട്ടിമധുരം )കടുകുരോഹിണി എന്നിവ ഒരേ അളവിൽ ഉണക്കിപ്പൊടിച്ച് 2 ഗ്രാം വീതം തേനിൽ ചാലിച്ച് ദിവസവും കഴിച്ചാൽ രക്തത്തിലെ യൂറിക്ക് ആസിഡ് കുറയും .

11 ,ആമവാതം ശമിക്കാൻ .

ചിറ്റമൃത് കഷായമുണ്ടാക്കി തേൻ മേമ്പടി ചേർത്ത് പതിവായി കഴിച്ചാൽ 14 ദിവസം കൊണ്ടുതന്നെ ആമവാതം ശമിക്കും .

12 ,അലർജി മാറാൻ .

ചിറ്റമൃതിൻ നൂറ് 500 മി .ലി ഗ്രാമിൽ ചുക്ക് ,കുരുമുളക് ,തിപ്പലി എന്നിവ തുല്യമായി പൊടിച്ചത് 1 ഗ്രാമും രണ്ട് നുള്ള് മഞ്ഞൾപ്പൊടിയും ചേർത്ത് തേനിൽ ചാലിച്ച് ദിവസം ഒരുനേരം വീതം കഴിച്ചാൽ അലർജി ശമിക്കും .

13 ,മലബന്ധം മാറാൻ .

ചിറ്റമൃത് ഉണക്കിപ്പൊടിച്ചത് ശർക്കരയുമായി ചേർത്തുകഴിച്ചാൽ മലബന്ധം മാറും .

14 ,കാൽ മുട്ടിലെ നീരും വേദനയും മാറാൻ .

ചിറ്റമൃതും ,ത്രിഫലയും ഒരേ അളവിൽ കഷായം വച്ച് ഒരൗൺസ് വീതം ദിവസം രണ്ടുനേരം എന്ന കണക്കിൽ കഴിച്ചാൽ കാൽമുട്ടിലെ നീരും വേദനയും മാറും .

15 ,സ്ത്രീകളിലെ വെള്ളപോക്ക് മാറാൻ .

അമൃതിന്റെ തണ്ട് ഇടിച്ചുപിഴിഞ്ഞ നീര് ഒരു വലിയ സ്‌പൂൺ വീതം ദിവസവും കഴിച്ചാൽ സ്ത്രീകളിലെ വെള്ളപോക്ക് ശമിക്കും .